«Aq jol» partiiasynyŋ basşysy Azat Peruaşev olimpiada oiyndarynyŋ alǧaşqy künderınde tıkelei efirdıŋ bolmau sebepterı men jalpy sportty damytuǧa qatysty öz pıkırın bıldırdı.
«Bügın Olimpiadanyŋ alǧaşqy künderınde tıkelei efirdıŋ bolmauynyŋ sebepterı turaly aqparat ministrlıgınen jauap aldyq. Saudalasudyŋ kesırınen ūltymyz alǧaşqy körsetılımderdı köru mümkındıgınen aiyryldy. Nätijesınde, biudjettıŋ 9 mln dollar qarjysy ünemdeldı. Qazırgı ekonomikalyq jaǧdaidy eskeretın bolsaq, būl öte maqtauǧa tūrarlyq äreket. Alaida men öz pıkırımnen taimaimyn, şeneunıkter osy jaǧdaiǧa bailanysty uaqytynda tabandylyq tanytqanda, būl sūraqty aldyn ala şeşuge bolar edı. Sonymen qatar, ünemdelgen qarajat «sportty nasihattauǧa» ketken şyǧyndardyŋ tiımsızdıgımen salystyruǧa kelmeidı. Bır mysal: «Aq jol» fraksiiasy 13.04.2017 j. deputattyq saualynda Mädeniet jäne sport ministrlıgınen Burabaida şaŋǧy tramplinı qūrylysynyŋ şyǧyndaryn tüsındırudı sūrady, olar sol kezdegı baǧam boiynşa 38,5 mlrd teŋgenı nemese 120 mln dollardy qūraǧan edı. Sonymen bırge, sporttyŋ būl türımen bükıl el boiynşa barlyǧy 173 sportşy ǧana ainalysatyny belgılı boldy. Onyŋ üstıne, Burabaida (tramplin salynǧan jerde) emes, ŞQO men Almatyda. Jalpy, sporttyŋ maŋyzdylyǧyna qaramastan, 173 tramplinnen öte jaqsy sekıruşıler üşın memleket 120 mln $ (ärqaisysyna şamamen 700 myŋ $) aiamady, al 19 million qazaqstandyq üşın däl sol memleket artyq 9 mln $ (bır adamǧa şamamen 0,5 dollar) töleudı ysyrapşyldyq dep sanady. Jäne būl - köp mysaldyŋ bırı ǧana. Ülkendı-kışılı mūndai mysaldar öte köp, onyŋ ışınde köptegen otbasylar üşın qol jetımdı emes ülken keşender, şeteldık legionerlerge beretın asqaqtaǧan aqylar nemese Türkıstandaǧy su astynda qalǧan jaŋa stadion. Olardyŋ qasynda şyn mänınde ūlt densaulyǧy üşın negızı būqaralyq, eŋ aldymen, balalar men jasöspırımder sporty, onyŋ problemalary men qajettılıkterı şeneunıkterdıŋ ögei balasy sekıldı bolyp qala beredı. Sabaqtan tys uaqytta sport seksiialaryn jürgızetın dene şynyqtyru mūǧalımderıne üstemaqy, myŋdaǧan jasöspırımder tūratyn auyldar men qala maŋynda sport üşın qoljetımdı jaǧdailar jasau, sport biudjetterın käsıbi sporttan BJSM - ge qaita bölu jäne t.b. siiaqty būl mäselelerdı «Aq jol» demokratiialyq partiiasynyŋ deputattary jyldar boiy köterıp keledı. Bıraq, äzırge barlyq äkımşılık funksiialar atqaruşy organdardardyŋ qolynda bolyp tūrǧanda eşteŋe özgermeidı. Olardy bärı qanaǧattandyrady, olardyŋ öz basymdyqtary bar. Sondyqtan da qazırgı olimpiadanyŋ nätijelerı - şynaiy körınıs, zaŋdylyq. Tıptı, osy jol şetten alyp kelgen kelımsek chempiondardy da şyǧaru būiyrmady. Tyǧyryqqa tıreldık. Ärine, būndai jeŋıs tapşylyǧynda Olimpiadanyŋ qola iegerı atanǧan Qamşybek Qonqabaevty qosa alǧanda, qazırgı olimpiadaşylardyŋ medaldary neǧūrlym qūndy. Olardyŋ medaldary - qalyptasqan ürdıske qaramastan, jeŋıske jetıp jatqanynyŋ jemısı ekenın atap ötu kerek. Būl ülken köpjyldyq eŋbek jäne ülken batyldyq. Olarǧa rizamyz jäne jeŋısterımen qūttyqtaimyz! Onyŋ üstıne Olimpiada jalǧasuda, “ümıtsız şaitan” deimız ǧoi» dedı ol.Būl «Aq jol» partiiasynyŋ sportqa qatysty alǧaşqy ūsynysy emes. 2017 jyly partiia müşelerı el premerı bolǧan Baqytjan Saǧyntaevqa arnaiy ūsynys tastap, eldıŋ oqu oryndarynda dene tärbiesınıŋ oqudan tys sabaqtary men seksiialaryn keŋeitudı ūsynǧan edı. Deputattar oquşylardyŋ 30%-ǧa jetpeitın bölıgı ǧana sportpen ainalysatynyn aityp, 80% jasöspırım balalar arasynda densaulyǧynda auytqular baryn jetkızıp, dabyl qaqqan bolatyn. 2020 jyly partiia deputattary taǧy da Ükımetke ūsynys jasap, ūlttyq müddenı eskerıp jäne jergılıktı tūrǧyndarmen aqyldasa otyryp, är auyldy halyq sanyna säikes qoljetımdı, paidalanuǧa yŋǧaily, qarapaiym mädeni jäne sport nysandarymen qamtamasyz etudıŋ jaŋa baǧdarlamasyn qabyldaudy sūraǧan bolatyn. «Aq jol» partiiasy LRT qūrylysyn synap, qyruar qarjynyŋ paidasyz nysanǧa jūmsalyp, sporttyq keşenderge nege jūmsalmai jatqanyn da talai märte aitqan edı.
"Adyrna" ūlttyq portaly
