«Ótken jyly óńirde 6,5 myń tonna balyq aýlansa, bıyl 10 myń 150 tonnaǵa jetti. Onyń 90%-y óńdelip, ónimniń 80%-y eksporttaldy. Bul týraly Atyraý oblysynyń ákimi Mahambet Dosmuhambetov Ortalyq kommýnıkaııalar qyzmetinde ótken brıfıngte aıtty.
«Jalpy, óńirdiń kúrdeli klımattyq jaǵdaıyna qaramastan, aýyl sharýashylyǵyn damytýǵa erekshe kóńil bólip kelemiz, – dedi spıker.
– Bul salada 26 mlrd. teńgege jýyq ónim óndirildi. Atap aıtqanda, 24,7 mlrd. teńge mal sharýashylyǵynda jáne 608,1 mln. teńge egin sharýashylyǵynda. Tuy sý tapshylyǵyna qaramastan, iri qara mal basy 4%-ǵa (201,9 myń bas), jylqy 9,5%-ǵa (102,6 myń bas), túıe 3%-ǵa (36,1 myń bas), qoı men eshki 2%-ǵa (787,1 myń bas) artty».
Eske sala ketelik, búgin Atyraý oblysynyń ákimi Mahambet Dosmuhambetov Nur-Sultan qalasynda Memleket basshysynyń tapsyrmalary aıasynda Atyraý oblysynyń áleýmettik-ekonomıkalyq damýy týraly brıfıng berdi.
