Atyrau oblysyna jūmys saparmen QR Parlamentı Mäjılısınıŋ deputaty Dariǧa Nazarbaeva keldı. Sapar barysynda ol, öŋırdıŋ bırqatar maŋyzdy äleumettık nysandarynyŋ jūmysymen tanysty.
Atyrau oblystyq Densaulyq saqtau basqarmasynyŋ baspasöz qyzmetı habarlaǧandai, 2020 jyldyŋ 1 jeltoqsan künı QR Tūŋǧyş Prezidentı-Elbasynyŋ «Qamqorlyq» qorynyŋ bastamasymen Atyrau oblystyq balalar auruhanasy bazasynda balalardy oŋaltu ortalyǧy resmi türde aşyldy. Ortalyq jūmysyn 2021 jyldyŋ 1 qaŋtarynan bastap atqaruda. Ortalyqta balalardy oŋaltuǧa arnalǧan 50 tösek oryn bölıngen. Onyŋ 25-ı täulıktık jäne 25 tösek kündızgı stasionarǧa qarastyrylǧan.
Mūnda nevrolog därıgerı, 2 reabilitolog, üilestıruşı, fizioterapevt, ergoterapevt, 6 Emdık dene şynyqtyru (LFK) nūsqauşylary, 2 psiholog, 2 logoped, 2 defektolog, 4 medbike jūmys ısteidı. 2021 jyldyŋ basynan berı ortalyqta 315 bala oŋaltudan ötken. Onyŋ ışınde, 160 bala täuılıktık, 155 bala kündızgı stasionarda,- dedı Atyrau oblystyq Densaulyq saqtau basqarmasynyŋ basşysy Ashan Baiduvaliev.Jūmys sapary barysynda, Dariǧa Nazarbaeva oblystyq kardioortalyqtyŋ da jūmysymen tanysty.
