Olimpiada: erekşelık pen ese ketkendık

Tokio Olimpiadasy janküierlerdıŋ esınde soŋǧy sätke deiın medal kütu, eŋ qymbatqa (7,5 mln dollar)satyp alǧan dodada otandyq sportşylardyŋ önerın özbek, ukrain kanaldarynan ızdep körumen este qaldy.

Jazǧy olimpiadany qai orynda aiaqtaǧanbyz?

Atlanta Olimpiadasy — 24-oryn ( 3 altyn, 4 kümıs, 4 qola) Sidnei Olimpiadasy — 22-oryn ( 3 altyn, 4 kümıs) Afina Olimpiadasy — 40-oryn ( 1 altyn, 4 kümıs, 3 qola) Beijıŋ Olimpiadasy — 29-oryn ( 2 altyn, 4 kümıs, 7 qola) London Olimpiadasy — 24-oryn ( 3 altyn, 1 kümıs, 6 qola) Rio Olimpiadasy — 22-oryn ( 3 altyn, 5 kümıs, 10 qola) Tokio Olimpiadasy — äzırge 83-oryn ( 8 qola)  

Tokioda qola jüldenı kımder aldy?

Eldos Smetov (28 jasta, 60 kelı) - dziudo. İgor Son (debiutant, 22 jasta, 61 kelı) - auyr atletika. Zülfiia Chinşanlo (28 jasta, 55 kelı) - auyr atletika. Qamşybek Qoŋqabaev (debiutant, 29 jasta, 91+ kelı) - boks. Säken Bibosynov (debiutant, 24 jasta, 52 kelı) - boks. Nūrislam Sanaev (30 jasta, 61 kelı) - erkın küres. Darhan Asadılov (debiutant, 33 jasta, 67 kelı) - karate. Sofia Berulseva (debiutant, 20 jasta, 62 kelı) - karate. Tek qola alǧanymyzdy da äzılge ainaldyryp, sarkazmdyq negızde jazyp jatqan qjelı qoldanuşylary jeterlık. Mysaly Bazarbek Qamysbaev (Feisbuk qoldanuşysy): "Tokio Olimpiadasynyŋ bır artyqşylyǧy, "qola" alǧandardyŋ esımın jattap alatyn boldyq. Rio Olimpiadasynda 10 "qola" jüldenı alǧan sportşyny atap bere alasyz ba?" degen oi qaldyrypty. Būl olimpiada "san ünemı sapaǧa ūlaspaitynyn" körsettı.. Sidnei Olimpiadasynda eŋ az 7 jülde alsaq ta, "eŋ sättı Olimpiada" retınde älı künge atalyp keledı. Al Tokio Olimpiadasynda 8 qola jülde alyp, tarihymyzdaǧy antirekordty (jalpy eseptegı oryn) jaŋarttyq.  

Ortalyq Aziia elderımen salystyrsaq

 

Memleket	1996 jyl	2000 jyl	2004 jyl	2008  jyl	2012 jyl	2016 jyl	2020 jyl
Qazaqstan	24-oryn	22-oryn	40-oryn	29-oryn	25-oryn	22-oryn	83-oryn
Özbekstan	58-oryn	43-oryn	35-oryn	40-oryn	48-oryn	21-oryn	32-oryn
Qyrǧyzstan	Jülde almaǧan	71-oryn	Jülde almaǧan	65-oryn	Jülde almaǧan	Jülde almaǧan	70-oryn
Täjıkstan	Jülde almaǧan	Jülde almaǧan	Jülde almaǧan	65-oryn	79-oryn	54-oryn	Jülde almaǧan
Türkımenstan	Jülde almaǧan	Jülde almaǧan	Jülde almaǧan	Jülde almaǧan	Jülde almaǧan	Jülde almaǧan	77-oryn

  Tokio olimpiadasyna jalpy Ortalyq Aziiadan qatysqan sportşylar sany men jüldesı bylai boldy: - Qazaqstan alǧaş ret "qola" jüldemen şekteldı. (93 sportşy) - Qyrǧyzstan öz tarihynda alǧaş ret 2 "kümıs" aldy. (16 sportşy) - Türkımenstan alǧaş ret Olimpiadanyŋ jüldesıne (auyr atletikadan "kümıs" jülde)  qol jetkızdı. (9 sportşy) - Özbekstan 2 Olimpiada qatarynan Ortalyq Aziiada köşbasşy atandy. (67 sportşy) - Täjıkstan (10 sportşy)

Qandai erekşelıkter baiqaldy?

- Ülken tenniste alǧaş ret jartylai finalǧa jettık. (22 jastaǧy Elena Rybakina Qazaqstannyŋ rekordyn jaŋartty. Būǧan deiıngı üzdık körsetkış: 2012 jyly Iаroslava Şvedova 1/16 finalǧa jetken). - Olimpiadadaǧy jaŋa sport türınen jülde aldyq. (Karateden 2 sportşymyz qola jüldeger atandy. Ökınışke qarai, 2024 jyly Parij Olimpiadasyna karate engızılmeidı.) - Alǧaş ret soŋǧy jüldenı boksşylar almady (Sport süier körermender karateşı  Sofia Berulsevanyŋ tıleuın tıledı) - Bokstan alǧaş ret "qazaq salmaǧynda" jülde almadyq (69 kelı salmaqta qazaq boksşylary 2004 jyldan berı chempion atanyp kelgen). - Auyr atletikadan barǧan 2 sportşymyz da jülde aldy. - 2-şı märte qatarynan alǧaşqy Olimpiada jüldesın dziudoşylarymyz (Eldos Smetov) äperdı. (2016 jyly Galbadrah Otgonseseg)

Bokstaǧy antirekordty qaitaladyq

Atlanta (1996) - 1 altyn, 1 kümıs jäne 2 qola. Sidnei (2000) - 2 altyn, 2 kümıs.⁣ Afina (2004) - 1 altyn, 1 kümıs jäne 1 qola.⁣ Beijıŋ (2008) - 1 altyn, 1 qola.⁣ London (2012) - 1 altyn, 1 kümıs jäne 2 qola.⁣ Rio (2016) - 1 altyn, 2 kümıs jäne 2 qola. ⁣ Tokio (2020) — 2 qola. Oŋ jambasymyzǧa keletın bokstan alǧaş ret "altyn" jüldesız qaluymyz köpşılıktı alaŋdatqany anyq. Bıraq Parij Olimpiadasynda erler bäsekesınde taǧy da salmaqtyŋ azaiatyndyǧyn eskergendıgıŋız jön. Atlanta (1996) - Erler bäsekesı - 12 Sidnei (2000) - Erler bäsekesı - 12 Afina (2004) - Erler bäsekesı - 11 Beijıŋ (2008) - Erler bäsekesı - 11 London (2012) - Erler bäsekesı - 10, qyzdar bäsekesı - 3.⁣ Rio (2016) - Erler bäsekesı - 10, qyzdar bäsekesı - 3 Tokio (2020) - Erler bäsekesı - 8, qyzdar bäsekesı - 5 Parij (2024) - Erler bäsekesı - 7, qyzdar bäsekesı - 6   Ökınışke qarai, Jazǧy Olimpiadada taǧy da bäsımız joǧary küres, boks, auyr atletikadan ǧana jülde aldyq. Eger Tokio Olimpiadasyndaǧy 4 ese qūldyraǧan terıs nätijemız Parij törınde qaitalanbasyn desek, basqa sporttarǧa da nazarymyzdy audarǧan dūrys. Bızde sporttan jülde alsa ǧana, sol sportty damytuǧa köŋıl böledı. Al özge elder sportty damytyp, odan keiın jülde aludy maqsat etedı.

Qanat Baiūzaqov

"Adyrna" ūlttyq portaly