Ūlttyq sportty oligarhat qolynan alu kerek

Sızge, Daniiar Abulǧazin ekeuıŋızge olimpiadalyq komitettı basqaru ne kerek? Menıŋ bıluımşe, sızde barlyǧy bar. Bankter men jerler, zauyttar men kemeler... Endeşe, Ūlttyq sport üşın halyq aldynda jauapkerşılık arqalau ne kerek? Ūlttyq olimpiada komitetınıŋ tızgının el ışınde abyroiy bar sportşylarǧa, Tūrlyhanov, Ybyraiymov, Rypakova jäne basqalarǧa tabystap bergenıŋız dūrys! Sportqa maŋdai terı sıŋgen naǧyz mamandarǧa, sporttaǧy ärbır jeŋıstıŋ tättı dämı men jeŋılıstıŋ aşy ökınışı ne ekenın şyn mänınde bıletın adamdarǧa berıŋız! Sport federasiialarynyŋ basşylyǧynan özıŋızden kışı oligarhtardy da alyŋyz. Oryndaryŋyzdy käsıbi sportşylarǧa berıŋızder. Sport salasymen - Olimpiada oiyndary ömırınıŋ mänıne ainalǧan adamdar ainalyssyn. Öitkenı, Sızder üşın būl – jai ǧana kezektı bır köŋıl köteruge sebep bolatyn basqosu sekıldı ǧana. Men özımızdı körşılerımızben salystyrmaimyn. Qyrǧyz, özbek, türkımen bauyrlarymyz üşın şyn quanyştymyn. Öitkenı, olar ädıl jeŋdı. Al bız oisyrai ūtyldyq. Bız öz-özımızdı salystyruymyz kerek. Ras, bız älemnıŋ eŋ üzdık degen otyzdyǧyna 3-4 altyn jüldemen senımdı türde enıp jürgen edık. Al būl joly 97 sportşynyŋ tek segızı ǧana medalǧa qol jetkızdı. Söitıp, mümkın bolǧan 93 orynnan 83-şı oryndy aldyq. Būl ūlttyq deŋgeidegı qorlau. Asyryp ne kemıtıp aitqandyq emes... Boks turaly... Būryn KSRO qūramynda 10 sportşy bolsa, sonyŋ altauy Qazaqstannan edı. Bız Qazaqstan-Kuba bolyp, jekelegen jarystar ötkızetın edık. Al endı qazır, bapkerler Qazaqstannan ketıp, özge elder üşın Olimpiada chempiondaryn daiarlap jatyr. Būl naǧyz masqara! Bız memleket retınde massaj üşın 1 mlrd teŋge töleidı ekenbız. Būl şamamen 2,5 mln dollar. Būndai jaǧdaida, Olimpiada chempiony (250 myŋ dollar) bolǧannan, massajist bolǧan artyq qoi... Taǧy da ūrlyq pa? Oligarhatqa memlekettık ıstı senıp tapsyruǧa bolmaitynyna eldıŋ taǧy bır märte közı jettı. Temır jol salasyn talqan ettı. Auyl şaruaşylyǧynda latifundiia ornatty. Naqty banktık jüienı joidy. Endı mıne, memlekettıŋ (salyq töleuşılerdıŋ aqşasy) Ūlttyq sportqa dep bölgen aqşasyn da talan-tarajǧa sala bastady. Būl da öz kezegınde oligarhattyŋ qandai da bır ıske qolynyŋ ūşy tiese, sol ıstıŋ kül-talqany şyǧatynyn däleldep otyr. Demek, Ūlttyq sportty oligarhattyŋ qolynan qaitaryp alyp, naǧyz käsıbi, otanşyl sportşylar men bapkerlerge beru kerek! Tüiın. Dese de, bızdıŋ 97 sportşymyz üşın, äsırese, 8 qola jüldeger üşın şyn quanyştymyn.