Myqty bapkerler jemqor jüienıŋ bylyǧyn kötermeidı!

Özbekstanǧa ketıp qalǧan bapkerdıŋ şäkırtı, özbekterge altyn syilady. Jüienıŋ jemqorlyǧyna şydamaǧan bapkerlerdıŋ bırazyn tanimyn, olarmen söilesıp otyramyn. Menıŋ janymda tūrǧan bapker Mūstafa Öztürıktıŋ şäkırtı – Tölegen Tıleumūratov. Respublikalyq sport kolledjınde bapker bolyp jūmys ıstegen. Oqu ornyndaǧy bylyqtardy aitqany üşın qudalanǧan. Oqu ornynda jattyqtyrǧan şäkırtterı jattyqtyruşysyn qoldaǧany üşın oqudan şyǧarylǧan. Būl mäselenı ministr Aqtotyǧa jetkızgenımızde, balalardyŋ emes, jasy zeinetke kelgen Tşanovtyŋ sözın söilegen. 80-ge kelgen adam jastarǧa ornyn bermei, sport damymaidy! Balalardyŋ ata- analary oqu ornymen sottasyp, oqu ornynda bolyp jatqan jemqorlyq jaily aşyq aityp, bükıl qūzyrly organǧa aryz jazǧan edı. Organdarǧa jazylǧan aryz sybailastyqtyŋ arqasynda öz nätijesın bermedı. Balalar bılımsız qalatyn boldy ǧoi dep qaqpaǧan esıgımız qalmady. Aqyry olardyŋ jartysyn qarapaiym mektepke, är qalanyŋ sport mektepterıne auystyryp tyndyq. Jartysy älı oqu ornyna qabyldanbai bılımsız jür. Tıptı bır sportşyǧa respublikalyq kolledj diplom bermei jatyr. Nätijesınde Älem, Aziia chempionattarynda aldyŋǧy 1,2-oryn alyp jürgen şäkırtter bılımsız qaldy. Osyndai bylyqtardy körıp, küresıp jürgen soŋ köp dünielerdı aşyp aita alamyn! Bapker men jas sportşylardyŋ janaiqaiyn joǧaryǧa jetkızgenım üşın, tıptı sotqa şaqyryldym.  Bızdıŋ elde ädılettılık üşın küresseŋ, sotqa süiretılıp, özıŋdı kınälı qylyp şyǧarady emes pe? Bız, Tölegen aǧai, balalardyŋ ata-analary soŋyna deiın küresudemız! Bız toqtamaimyz! Jemqorlyq jailaǧan jüienı internette jazyp qana otyrǧannan joiylmaidy. Irıgen jarany aşyp körsetuımız kerek! “Saǧan tölep jatyr ǧoi, ärine qoldap jüresıŋ “ dep jazatyndar şyǧyp jatty, Tşanovty qoldap. Būl ömırde bärı aqşamen ölşenbeidı. Ata-analar men bapkerler osynda otyr. Bolaşaq üşın, jastar üşın bır tiyn alǧanym joq, qaita jastarǧa jıger beru üşın küresu kerek ekenın körsettım. Patriottyq degen ne bılesızder me? Ärbır ädıletsızdıkpen aşyq küresu! Qoldaǧan jastarym älemdık dodalarda kök bairaǧymdy samǧatyp tūrsa, būdan asqan baqyt joq! Eger Tölegen aǧaidyŋ şäkırtterı olipiadaǧa barǧanda altyn almai kelmeitın edı. Sebebı būl jastar – sportty jailaǧan jemqorlyqpen aşyq küreske şyqqan jastar!