Qaraǧandy oblysynda karantin kezınde toi ötkızuge tyiym saludy elemegen şeneunık jūmystan bosatyldy. Būl turaly öŋır basşysy Jeŋıs Qasymbek onlain rejimınde ötken apparattyq keŋeste mälımdedı, dep habarlaidy «Adyrna» tılşısı.
«Bügıngı künnen bastap jer qatynastary basqarmasynyŋ basşysy Maqsūtov Qalel Mūqataiūly karantindı öreskel būzuy, iaǧni pandemiia kezınde toi şaralaryn ūiymdastyruyna bailanysty qyzmetınen bosatyldy. Taǧy da eskertemın: mūndai zaŋsyzdyqtar üşın jaza öte qatal bolady. Būl jerde memlekettık qyzmetşınıŋ qyzmettık etikasynyŋ barlyq normasy būzylǧan. Oblysta koronavirustyq infeksiiaǧa qarsy ıs-qimyl boiynşa jürgızılıp jatqan ülken jūmysty qūnsyzdandyrmaŋyzdar. Tūrǧyndardyŋ köŋılın qaldyrmaŋyzdar. Märtebelerıŋız nemese jūmys ornyna qaramastan äreketterıŋızge jauap beresızder!»— dedı oblys äkımı.Aita keteiık, 7-tamyzda Qaraǧandy oblysy jer qatynastary basqarmasynyŋ basşysy Qalel Maqsūtov sanitarlyq normalardy būzyp, "qyz ūzatu" toiyn ötkızgen edı.
«Adyrna» ūlttyq portaly
