Būl turaly oblys äkımı Mahambet Dosmūhambetovtıŋ töraǧalyǧymen ötken otyrysta Ekonomika jäne biudjettık josparlau basqarmasynyŋ basşysy A.Äjıǧalieva mälımdedı.
Kün tärtıbınde Atyrau oblysynyŋ 2021 jylǧy I jartyjyldyǧyndaǧy äleumettık-ekonomikalyq damuynyŋ qorytyndysy qaraldy.
Oǧan qosa Aigül Äjıǧalieva qūrylys salasynda da edäuır ösım bar ekenın jetkızdı.
Aimaq basşysy oblystyŋ äleumettık-ekonomikalyq damuynyŋ negızgı körsetkışterınıŋ bırı önerkäsıp salasynyŋ tömendeuıne jol berıp otyrǧan İsatai, Qyzylqoǧa, Mahambet audandary äkımderıne jūmysty jandandyryp, tiımdı ūiymdastyruǧa pärmen berdı.
«Memleket basşysynyŋ töraǧalyǧymen ötken keŋeitılgen keŋeste respublika boiynşa bırınşı jartyjyldyqta atqarylǧan jūmystar qorytyndylandy. Osy tūrǧyda Prezident jüktegen mındetterdı jüzege asyru, aldaǧy jūmys josparlarymyzdy naqtylauymyz qajet»,-dedı oblys äkımı Mahambet Dosmūhambetov.Al, oblystyŋ ekonomikalyq körsetkışterıne toqtalǧan basqarma basşysy Aigül Äjıǧalieva keibır baǧyttardaǧy ösımderge taldau jasady.
- Basqarma basşysynyŋ aituynşa, qaŋtar-mausym ailarynda önerkäsıp önımınıŋ kölemı 3 891,7 mlrd. teŋgenı qūraǧan.
- Sondai-aq, memlekettık biudjetke 687,4 mlrd. teŋge somasynda salyqtar men basqa da mındettı tölemder jinalǧan.
- Jyl basynan berı negızgı kapitalǧa investisiia kölemı biylǧa mausym aiynda 16,5 paiyzǧa ösken. Al, şaǧyn jäne orta käsıpkerlık subektılerınıŋ sany 0,9 paiyzǧa artyp, 50 742 bırlıktı qūraǧan.
Oǧan qosa Aigül Äjıǧalieva qūrylys salasynda da edäuır ösım bar ekenın jetkızdı.
«Bırınşı jartyldyqta qūrylys jūmystarynyŋ kölemı – 107,2 paiyz deŋgeiınde qamtamasyz etıldı. Būl baǧyttaǧy ösım Atyrau qalasynda 276,0% jäne Qūrmanǧazy audanynda 164,8% jetıp otyr. Osy aralyqta oblys boiynşa 399,8 myŋ şarşy metr tūrǧyn üi ıske qosylyp, ötken jylmen salystyrǧanda 188,1 paiyzǧa ösken»,-dedı Aigül Äjıǧalieva.
Aimaq basşysy oblystyŋ äleumettık-ekonomikalyq damuynyŋ negızgı körsetkışterınıŋ bırı önerkäsıp salasynyŋ tömendeuıne jol berıp otyrǧan İsatai, Qyzylqoǧa, Mahambet audandary äkımderıne jūmysty jandandyryp, tiımdı ūiymdastyruǧa pärmen berdı.
«Zerdelep qarasam, äkımder men basqarma basşylary barlyq mäselenı qarjylyq qajettılıkke, iaǧni, biudjet esebınen atqarylatyn jūmystarǧa tırep qoiady. Sızderdıŋ qyzmetterıŋız – jobalyq-smetalyq qūjattama jasap, qūrylys salumen şektelmeuı kerek. Prezident qoiyp otyrǧan ekonomikany ärtaraptandyrumen jaŋa auylşaruaşylyq, käsıpkerlık jobalar, jaŋa jūmys oryndaryn qūru mäselesıne basymdyq beru kerek»,-dedı M.Dosmūhambetov.Sonymen qatar, jiyn soŋynda Mahambet Dosmūhambetov jauapty tūlǧalarǧa investisiia tartu jäne jūmys oryndaryn qūru boiynşa şaralar qabyldaudy tapsyrdy. «Eŋbek» jäne «Biznestıŋ jol kartasy 2025» memlekettık baǧdarlamalarynyŋ tiımdı ärı sapaly oryndalysyn qamtamasyz etudı mındettedı.
