Türkiiada alapat orman örtınen keiın su tasqyny bastaldy, - dep habarlaidy “Adyrna” ūlttyq portaly Tengrinews.kz saityna sılteme jasap.
Reuters basylymy jazǧandai, qatty jauyn-şaşynnan bolǧan su tasqyny Türkiianyŋ Qara teŋız jaǧalauyndaǧy köpırdı qiratyp, bırneşe eldı mekendı jaryqsyz qaldyrdy.
Su tasqyny Sinop, Bartyn, Qarabiuk jäne Kastamonu provinsiialaryna äser ettı. Türkiianyŋ soltüstıgındegı Bartyn provinsiiasynda köpır qūlady. Tötenşe jaǧdai saldarynan 13 adam zardap şegıp, bır adam infarkttan qaitys boldy. Sonymen qatar, qūtqaru qyzmetkerlerı joǧalǧan 80 jastaǧy äieldı ızdestırıp jatyr.
Premer‐ministr janyndaǧy tötenşe jaǧdailar jäne apattar basqarmasy (AFAD) mälımetı boiynşa , 12 auylda elektr quaty üzılgen. Sondai-aq, ǧimarattardyŋ bırınşı qabattary su astynda qalǧan.
Bartynnan 240 şaqyrym jerde ornalasqan Sinop provinsiiasynda su tasqyny saldarynan bır üi qūlady. Provinsiianyŋ tabiǧi apattan zardap şekken audandarynda köp üi men käsıporyndy su basty. Şeneunıkter būl aimaqtaǧy memlekettık auruhana saqtyq şarasy üşın evakuasiialanǧanyn habarlady.
Derekterge säikes, qazırgı uaqytta ızdestıru-qūtqaru jūmystary jürgızılıp jatyr. Tūrǧyndar su basqan üilerden ürlemelı qaiyqtarmen köşırılıp jatyr.
Ūqsas jaŋalyqtar
