Qarjylyq monitoring agenttıgınıŋ Almaty qalasy boiynşa aumaqtyq departamentı "QAMQOR" jedel aldyn alu ıs-şarasy aiasynda Almaty oblysy bılım basqarmasynyŋ «№1 Almaty oblystyq balalar üiı» QMM direktory men qyzmetkerıne qatysty sotqa deiıngı tergep - tekserudı aiaqtady, dep habarlaidy «Adyrna» tılşısı QR QMA baspasöz qyzmetıne sılteme jasap.
Tergeu barysynda balalar üiınıŋ äleumettık pedagogy M. Mūstafina özınıŋ qyzmettık jaǧdaiyn paidalanyp, özıne senıp tapsyrylǧan 67 million teŋge somasyndaǧy aqşalai järdemaqyny jymqyrǧany däleldendı.
Sottalǧan Mūstafina äleumettık pedagog jäne balalar üiınıŋ basşysynan qamqorşynyŋ müddelerın bıldıruge senımhaty bola otyryp, tärbielenuşılerge asyrauşysynan airyluy jäne mügedektıgı boiynşa järdemaqy resımdep, sondai-aq ekınşı deŋgeidegı bankterde olarǧa kartochkalyq şottar aşqan.
Tärbielenuşılerdıŋ esep aiyrysu şottaryna tolyq qol jetkızıp, mobildı banking arqyly balalar üiı tärbielenuşılerınıŋ esep aiyrysu şottarynan jeke kartochkalyq şotqa aqşa qarajatyn audarymdardy jüzege asyrǧan, sondai-aq tärbielenuşılerdıŋ bank kartalaryn paidalana otyryp, bankomattardan keibır qarajatty alǧan.
Mūndai zaŋsyz qyzmetpen sottalǧan adam 2015 jyldyŋ jeltoqsanynan 2020 jyldyŋ tamyzyna deiın ainalysqan.
Öz kezegınde balalar üiınıŋ direktory Ǧ. Qondybaeva 2018 jyldyŋ küzınde Mūstafinanyŋ ūrlau faktılerı turaly bılıp, ony uäkılettı organdardan jasyryp, ony qyzmetınen şettetpei jäne balalar üiı tärbielenuşılerınıŋ şottaryna qol jetkızuın şektemegen.
Sottaluşylar öz kınäsın moiyndady. Qazırgı uaqytta 10 million teŋgeden astam şyǧyn balalar üiı tärbielenuşılerınıŋ paidasyna öteldı.
Sot 52,4 million teŋge kölemındegı qalǧan somany jäbırlenuşılerge qaitarudy mındettedı.
Sot ükımımen M.Mūstafina QR QK 189-baby (Asa ırı mölşerde senıp tapsyrylǧan böten mülıktı iemdenu nemese ysyrap etu) boiynşa kınälı dep tanylyp, 7 jyl bas bostandyǧynan jäne 10 jyl merzımge pedagogikalyq qyzmetpen ainalysu qūqyǧynan aiyru türınde jaza taǧaiyndaldy.
G.Qondybaeva QR QK 371-baby (salǧyrttyq) boiynşa kınälı dep tanyldy. Memlekettık lauazymda qyzmet atqaru qūqyǧynan aiyra otyryp, oǧan 2,7 million teŋge somasynda aiyppūl taǧaiyndaldy.
«Adyrna» ūlttyq portaly
