Qazaqstan Prezıdenti Qasym-Jomart Toqaev Aýǵanstanda qalyptasqan jaǵdaıǵa baılanysty kesheli beri ekinshi ret jıyn ótkizdi. Bul týraly Berik Ýálı jazdy, dep habarlaıdy «Adyrna» tilshisi.
Jıynǵa Premer-Mınıstr Asqar Mamın, kúshtik qurylymdardyń, atap aıtqanda, Ulttyq qaýipsizdik komıteti, Syrtqy ister, Qorǵanys, Ishki ister, Tótenshe jaǵdaılar mınıstrlikteri, Bas prokýratýra, Memlekettik kúzet qyzmeti basshylary men Qaýipsizdik Keńesiniń Hatshysy qatysty.
«Aýǵanstan Islam Respýblıkasyndaǵy jaǵdaıǵa baılanysty Qazaqstannyń ulttyq múddesin eskere otyryp, shuǵyl áreket etý sharalary jáne bizdiń eldiń azamattarynyń qaýipsizdigin qamtamasyz etý máseleleri talqylandy.
Prezıdent quzyrly mekemelerge Aýǵanstandaǵy jaǵdaıdy jan-jaqty baqylaýda ustaýdy tapsyrdy. Bul osy elmen budan bylaıǵy yntymaqtastyq boıynsha sheshim qabyldaý úshin asa mańyzdy»,– dedi baspasóz hatshysy.
«Adyrna» ulttyq portaly
