Oblys äkımı Oŋdasyn Orazalin Tokioda ötken jazǧy Olimpiada oiyndarynan oralǧan aqtöbelık sportşylarmen jäne olardyŋ jattyqtyruşylarymen kezdestı dep habarlaidy "Adyrna" ūlttyq portaly.
Olimpiadanyŋ qola jüldegerı Nūrislam Sanaevqa öŋır basşysy päter kıltın syilady. Olimpiada oiyndaryna qatysqan baluan Meirambek Ainaǧūlovqa, suda jüzuşı Diana Nazarovaǧa, sonymen qatar, sportşylardyŋ jattyqtyruşylaryna öŋır basşysy baǧaly syilyqtar tabystady.
— Sızder - elımızdıŋ maqtanyşysyzdar. Jas ūrpaqqa salauatty ömır salty men sportty därıpteude ülgı bola otyra baǧa jetpes üles qosasyzdar. Adal ärı aianbai küreskenderıŋız üşın, batyldyqtaryŋyz ben otansüigıştıkterıŋızge şyn jürekten alǧys aitamyn,- dedı sportşylarǧa zor densaulyq pen jaŋa belesterge jetudı tılegen Oŋdasyn Orazalin.
Olimpiadaǧa qatysuşylar oblys basşylyǧyna käsıbi sportty qoldaǧany üşın rahmet aityp, keleşek josparlarymen bölıstı.
— Halqyma qoldaǧany üşın şeksız rizamyn. Aqtöbege kelgennen keiın ǧana, jerlesterımnıŋ qalai qarsy alǧandaryn körıp, olimpiada jüldegerı bolǧanymdy sezındım. Otandastarymdy Parijde ötetın olimpiadada altyn alqamen quantu üşın būdan da küştırek daiyndalatyn bolamyn,- dedı Nūrislam Sanaev.
Aita keteiık, baluan Iýsup Batyrmyrzaev pen karateşı Nūrqanat Äjıqanov, sonymen qatar Tokiodaǧy olimpiada oiyndarynda Aqtöbe oblysy atynan şyqqan basqa da sportşylar tuǧan jerge endı oralady.
Sonymen bırge jüzuşı Vitalii Hudiakov Ystyq köl janynda ötıp jatqan oqu-jattyǧu jiynyna kırısıp te ketken.
"Adyrna" ūlttyq portaly .
Ūqsas jaŋalyqtar
