Pavlodarda mūnai önımderın tasymaldaumen ainalysqan ekeu ūstaldy, – dep habarlaidy «Adyrna» tılşısı Polisia.kz-ke sılteme jasap.
«Qūqyqtyq tärtıp» jedel aldyn alu ıs-şarasyn ötkızu barysynda Kriminaldyq polisiia basqarmasynyŋ qyzmetkerlerı janar-jaǧarmai materialdaryn jymqyrdy degen küdıkpen toptaǧy adamdardyŋ qylmystyq äreketınıŋ jolyn kesken.
– Joǧaryda atalǧan adamdar Pavlodar qalasynyŋ avtojanarmai qūiu stansiialaryna mūnai önımderın tasymaldaumen ainalysatyn Pavlodar qalasynyŋ bır ūiymynyŋ qyzmetkerlerı bolyp şyqty. Küdıktıler aldyn ala daiyndalǧan syzba boiynşa, sonyŋ ışınde tasymaldanatyn otyndy jetkızu jäne qūiumen ainalysqan, – dep habarlady Pavlodar oblysy polisiia departamentınıŋ bastyǧy Nūrlan Mäsımov.Polisiia jedel-ızdestıru şaralarynyŋ nätijesınde qylmys jasady degen küdıkpen 50 jäne 47 jastaǧy ekı pavlodarlyqty ūstady. Aldyn ala keltırılgen şyǧyn şamamen 17 million teŋgenı qūrady. Atalǧan faktı boiynşa Qazaqstan Respublikasy QK-nıŋ 189-baby 4-tarmaǧynyŋ 2-bölımı boiynşa sotqa deiıngı tergeu bastaldy. Küdıktılerge qatysty “eşqaida şyqpau turaly” qolhat türınde būltartpau şarasy taŋdaldy. https://youtu.be/W6WI0PEwTTU
«Adyrna» ūlttyq portaly
