Jambyl oblysy Baizaq audanyndaǧy tötenşe oqiǧa kezınde qauıpsız jerge köşırılgen tūrǧyndardyŋ keibırı der kezınde körsetılgen kömek üşın alǧys aityp jatyr , dep habarlaidy «Adyrna tılşısı QazAqparat-qa sılteme jasap.
«Osy jürgen balalardyŋ, qyzdardyŋ bärıne rahmetımdı aitamyn. Eldı osy jerge äkep, köpşılıktı jinap, aman-esen şyǧaryp salyp jatqandary üşın köp rahmet. Eŋbekterıŋnıŋ jemısın körıŋder. Qiyndyqta barlyq kömek körsettı, auqaty daiyn. Keşkı saǧat ondarda alyp keldı. Taŋǧa deiın jedel järdem qyzmetı de qan qysymymyzdy tekserıp jatyr. Osylai kömek bergenderıne öte rizamyn», - deidı Baizaq auylynyŋ tūrǧyny Zuhra Berdieva.Taǧy bır tūrǧyn Botamoinaq auyldyq okrugınde evakuasiialanǧan halyqtyŋ üi-mülkın küzetken patrul qyzmetıne alǧys bıldırdı.
«Men Botamoinaq auyldyq okrugınıŋ tūrǧynymyn. Tündegı jaǧdaiǧa balianysty qūqyq qorǧau salasy, patruldık qyzmet ökılderınıŋ arqasynda auyldyŋ halqy evakuasiialanyp, syrtqa şyqty. Auyldan eşqandai şyǧyn bolǧan joq. Ondaiǧa jol berılgen joq. Myna jıgıtter tünımen patrulı bar, ışkı ıster qyzmetkerlerı bar, auyl-auyldy aralap, bärın sabyrǧa şaqyryp, mındetterın atqaryp jatty. Auyl qylmystan aman-esen. Moraderlık siiaqty jaittar bolǧan joq», - deidı okrug tūrǧyny.QR Tötenşe jaǧdailar ministrlıgınıŋ baspasöz qyzmetı taratqan resmi mälımet boiynşa, oqiǧa oşaǧy sanalatyn Korolevka kentındegı äskeri qoimaǧa eŋ jaqyn ornalasqan 3 eldı mekende 1 myŋnan astam adam tūrady. Olardyŋ 710-y oblys ortalyǧyna evakuasiialanǧan. Jambyl oblysynyŋ äkımı Berdıbek Saparbaev evakuasiialanǧan auyl tūrǧyndary bügın üiıne qaitarylatynyn aitqan edı. Aita keteiık, 26 tamyz künı saǧat 19:00-de Jambyl oblysynyŋ Baizaq audanynda ornalasqan äskeri bölım qoimalarynyŋ bırınen ört şyǧyp, jarylys boldy.
«Adyrna» ūlttyq portaly
