Jambyl oblysy Baizaq audanyndaǧy oryn alǧan jarylys zardaptaryn joiu, keltırılgen şyǧyndardy anyqtau, qalpyna keltıru jūmystary jürgızılude. Būl turaly oblys äkımı Berdıbek Saparbaev öŋırlık kommunikasiialar qyzmetı alaŋynda ötken brifing barysynda aitty.
- Memleket basşysynyŋ tapsyrmasyna säikes bız jedel ştab qūrdyq. Oǧan barlyq tiıstı organdardyŋ ökılderı endı. QR Qorǧanys jäne Tötenşe jaǧdai ministırı, Işkı ıster ministrınıŋ orynbasarymen bırge täulık boiy oqiǧa ornynda jūmys jasap jatyrmyz. Zardaptardy joiu, kelgen şyǧyndardy anyqtau boiynşa şaralar atqaryluda. Jarylys bolǧan jerge jaqyn ornalasqan 3 eldımeken bar. Onyŋ eŋ jaqyny 1 şaqyrym jerde ornalasqan Qainar auyly. Qalǧan ekeuı 5 şaqyrym qaşyqtyqta. Osy eldı mekendegı azamattardyŋ barlyǧy basqa jerlerge, iaǧni bız daiyndaǧan 10 mektep, 5 kolledjdıŋ jataqhanalaryna ornalastyryldy. Qazırgı taŋda 227 adam sonda qalyp otyr desek, basym bölıgı özderınıŋ aǧaiyn-tuystaryna kettı. Bolǧan jaǧdailardy qalpyna keltıru üşın 1000-nan astam adam, 120-ǧa juyq tehnika tartyldy,-dedı aimaq basşysy.Sondai-aq, 30-dan asa jedel järdem kölıgı jūmyldyrylǧan. Barlyǧy 88 adamǧa medisinalyq kömek körsetılse, jeŋıl jaraqat alǧan 60 adam üilerıne qaitaryldy. Qazırgı taŋda №1 Taraz qalalyq auruhanasynda 28 adam em aluda. Olardyŋ 6-nyŋ jaǧdaiy ortaşa auyr. Ömırlerıne eşqandai qauıp joq.
- Bügın taŋerteŋ nauqastarmenen kezdestık, jaǧdailaryn sūradyq. Därı-därmek jönınde eşqandai mäsele joq. Jaǧdailary tūraqty. Evokuasiialanǧan tūrǧyndarmen de kezdestık. Olar kerek-jaraqpen, ystyq tamaqpen qamtyluda. Qazır jarylys toqtady. Tūrǧyndar üilerıne orala alady,-dedı B. Saparbaev.Aimaq basşysy keşe temırjol qozǧalysy toqtaǧandyǧyn, Taraz qalasynda qalǧan ekı jolauşylar poiyzynyŋ jolauşylary üşın 20 şaqty avtokölık ūiymdastyrylyp, tiıstı baǧyttary boiynşa jöneltılgenın jetkızdı.
- Qazır sapiorlar jūmys ıstep jatyr. Temırjoldyŋ barlyǧy tazartylǧan soŋ, qaita tekserılıp, şeşım qabyldanatyn bolady. Al jalpy kölıkterge bailanysty qazır ainalma jol ūiymdastyrylǧan. Jalpy jaǧdai tūraqty, baqylauda. Memleket basşysynyŋ tapsyrmasyna säikes, barlyq zardap şekken azamattarǧa kömek körsetıledı. Zaŋǧa säikes qaitys bolǧan azamattardyŋ otbasylaryna memleketten kömek berıledı. Zardap şekken azamattardyŋ arasynda mümkındıgı şekteulı t.b azamattar bolsa, zaŋǧa säikes kömek körsetıledı. Zardap şekken üiler men nysandarǧa keletın bolsaq, mamandar 3 eldımekendı aralap şyqty. Onda örtengen üiler, basqa da nysandar tırkelmegen. Tek qana şatyrlar, terezeler, esıkter ǧana zaqymdanǧan. Bız arnaiy komissiia qūrdyq. Qazır olar zerdeleu jūmystaryn jürgızude. Barlyq üidı, nysandy zerdeleimız. Zaŋǧa säikes şeşım qabyldaityn bolamyz,-dedı oblys äkımı.
«Adyrna» ūlttyq portaly
