Äigılı braziliialyq futbolşy, XX ǧasyrdyŋ üzdık futbolşysy Pele 31 tamyzda, seisenbı künı taŋerteŋ auruhanaǧa tüstı, dep habarlaidy "Adyrna" ūlttyq portalynyŋ tılşısı O Dia basylymyna sılteme jasap.
Oiynşy San-Paulu qalasyndaǧy Albert Einştein atyndaǧy auruhanaǧa tüskenı anyqtaldy. Derekközdıŋ habarlauynşa, 80 jastaǧy sportşy esınen tanyp qalǧan. Oqiǧanyŋ sebebın anyqtau üşın futbolşy reanimasiia bölımıne jatqyzyldy.
Keiınırek sportşy özınıŋ Twitter-degı paraqşasynda esın joǧaltpaǧanyn jäne özın jaqsy sezınetının jazdy. Ol koronavirustyq pandemiiaǧa bailanysty būryn bara almaǧan tekseruden ötıp jatqanyn atap öttı. Tıptı aldaǧy jeksenbıde alaŋǧa şyǧatynyn mälımdep, qaljyŋdady.
Aita keteiık, aty aŋyzǧa ainalǧan Pele Halyqaralyq futbol federasiiasynyŋ (FİFA) nūsqasy boiynşa jüz jyldyqtyŋ oiynşysy atanyp, Braziliia qūramasynda üş ret älem chempionatyn alǧan.
"Adyrna" ūlttyq portaly
Ūqsas jaŋalyqtar
