Aqtöbede QR Konstitusiiasy künıne orai baspana kezegınde tūrǧan 14 köpbalaly otbasyǧa "Nūr-Aqtöbe" tūrǧyn üi alabynan köpten kütken päterlerınıŋ kıltterı tabystaldy dep habarlaidy "Adyrna" ūlttyq portaly.
"Nūrly jer" baǧdarlamasy aiasynda köpbalaly otbasylar üşın barlyǧy 54 päter satyp alynǧan. Aqtöbelıkterdı quanyştarymen qūttyqtaǧan oblys äkımı Oŋdasyn Orazalin:
— Aqtöbede 24 myŋdai otbasy baspana kezegınde, taǧy 145 myŋdai jerlesımız jeke tūrǧyn üi salatyn jer kezegınde tūr. Memleket basşysynyŋ tapsyrmasymen jyldan jylǧa baspana mäselesın şeşu şaralary qabyldanyp jatyr. Bızdıŋ problemamyzdy eşkım syrttan kelıp şeşıp bermeitının tüsınuımız kerek. Mūny bız özımız tek eŋbekpen, şydamdylyqpen jäne bırlıkpen ıstei alamyz, — dedı.
Oŋdasyn Orazalin sondai-aq "Nūr-Aqtöbe" tūrǧyn üi alabynyŋ 3-şı şaǧyn audanyndaǧy qūrylystyŋ josparymen tanysty. Bügınde 3-şı şaǧyn audanda 180 päter salynǧan, jalpy aumaǧy 68,8 myŋ şarşy metr bolatyn myŋ päter bolady. Juyrda mūnda 320 oryndyq balabaqşa men dene şynyqtyru-sauyqtyru keşenı tūrǧyzylady.
Būl künı oblys äkımı "PATP" JŞS-da bolyp, jaqynda Aqtöbege äkelıngen syiymdylyǧy ülken 32 jaŋa avtobusty qarap şyqty. Oblys äkımı avtobustardy 1 qyrküiekke deiın jūmysqa şyǧarudy tapsyrdy.
Aita keteiık, būl Almatyda qoǧamdyq jolauşylar tasymaly jaǧdaiyn jaqsartu üşın jinalǧan avtobustardyŋ bırınşı partiiasy ǧana. Jyl soŋyna deiın Aqtöbege taǧy osyndai 118 avtobus äkelınedı. Ärqaisysynyŋ qūny - 50 mln teŋge.
Kölıkter jeke investorlardyŋ qarjysyna satyp alynuda.
Aqtöbelık jürgızuşılerdı baqylau klimaty jüiesımen jabdyqtalǧan jaŋa avtobustardy basqaruǧa Almatydan kelgen ärıptesterı üiretetın bolady.
"Adyrna" ūlttyq portaly.
