Maŋǧystau oblysyna QR Premer-Ministrınıŋ orynbasary Roman Skliar jūmys saparymen keldı. Ol öŋırde jüzege asyrylyp jatqan bırqatar ırı infraqūrylymdyq jäne turistık jobalardyŋ barysymen tanysty dep habarlaidy "Adyrna" ūlttyq portaly.
Premer-Ministrınıŋ orynbasary R.Skliar men oblys äkımı S.Trūmov aldymen «Aqtau-äuejai» avtomobil jolynyŋ qūrylys jūmystaryn kördı. Bügınde onda joldy keŋeitu jūmystary qarqyndy jürgızılıp jatyr. Jobaǧa säikes, jaŋa jol tört jolaqty bolady. Ekı jolaǧy bıtuge jaqyn. Qūrylys jūmystary qaladan äuejaiǧa baratyn trassanyŋ 5 şaqyrymynan bastap 29-şı şaqyrymyna deiın jürgızıledı.
Osydan keiın R.Skliar bastaǧan jūmys toby Mūnaily audanynda jem-şöp daiyndaityn «Jamalbek» JŞS –nyŋ jūmysymen tanysty. Joba ıske qosylǧanda zauyt jylyna 15 myŋ tonna önım şyǧarady. Bügınde onda qūrylys jūmystary aiaqtaluǧa jaqyn. Kezdesu barysynda oblys äkımınıŋ orynbasary Ǧ.Niiazov öŋırde mal azyǧymen qamtamasyz etu mäselelerı turaly baiandady.
— Jyl basynan berı oblysqa 37 000 tonnany tasymaldandy. Onyŋ 30 000 tonnasy özge aimaqtardan, qalǧan 4 000 tonnasy jergılıktı jerden şabyldy. Sondai-aq, özge oblystardan kömek retınde kelgen 3 000 tonna tegın şöpter oblystyŋ quaŋşylyq saldarynan zardap şekken şarua qojalyqtaryna taratyldy. Jalpy oblysqa qys mezgılıne normativ boiynşa 53 myŋ tonna jem qajet. Bügıngı künı onyŋ 19 myŋ tonnasy özge oblystardan tasymaldandy. Qalǧan 34 myŋ tonna jemdı satyp aluǧa tolyq qarajatymyz bar,- dedı oblys äkımınıŋ orynbasary.
R.Skliar qysqy mal azyǧyn daiyndau jūmystaryn dūrys ūiymdastyrudy tapsyrdy.
Būdan keiın Premer-Ministrınıŋ orynbasary Aqtau maŋynda taǧy bır salynyp jatqan avtomobil jolynyŋ jūmysyn kördı. Ol "Honda" ortalyǧynan Ömırzaq auylyndaǧy "T"- tärızdı qiylysqa deiıngı avtomobil jolyn jaŋartu jūmysy. Enı 14 metr, ūzyndyǧy 4.5 şaqyrym jaŋa jol uchaskesı turistık aimaqqa jäne kerı qarai kele jatqan avtomobilderdıŋ aǧynyn jeŋıldetıp, äsırese jazǧy kezeŋde kölık keptelısın retteuge septıgın tigızedı. Bügıngı künı onda su qūbyry men kärız jelılerın tartu üşın tranşeia daiyndau jūmystary jürıp jatyr. Atalǧan jol qūrylysyn biyl jyl soŋyna deiın aiaqtau josparlanuda.
Būdan bölek R.Skliar jaǧajaida salynyp jatqan turistık nysandardyŋ qūrylysyn da kördı.
Mūnda qazır ekı ırı kompaniianyŋ bastamasymen«Double Tree by Hilton» qonaq üi keşenderı men villa men apartamentter salynyp jatyr.
"Adyrna" ūlttyq portaly.
