Memleket basshysy Qasym-Jomart Toqaev Qazaqstanda Aýǵanstannan kelgen aýǵan bosqyndaryn ýaqytsha ornalastyrý máselesi boıynsha oń sheshim qabyldamaǵanyn aıtty. Bul týraly Orda.kz jazdy, dep habarlaıdy «Adyrna» tilshisi.
– Amerıkalyq ákimshilikpen jumys istegen aýǵan bosqyndaryn belgisiz ýaqytqa, ıaǵnı eki, úsh aıǵa, nemese jarty jylǵa panalaý máselesine keletin bolsaq, bul másele oń sheshilgen joq. Óıtkeni, Qazaqstannyń egemendigimen baılanysty kóptegen nıýanstar paıda boldy, – dedi Toqaev Shyǵys ekonomıkalyq forýmynda sóılegen sózinde.
Prezıdent Qazaqstanǵa kelýge tıis adamdardyń tıisti vızalary bolǵan joq. Sondaı-aq logıstıkanyń ózi bul máseleni oń sheshýge múmkindik bermedi dep qosty.
– Biz NATO elderine jáne AQSh-qa Aýǵanstanda jumys istegen kontıngent, onyń ishinde áskerı kontıngentti alyp ketken ushaqtardy ushyp ótý jáne janarmaı quıý úshin Qazaqstannyń áýe keńistigi men áýejaılaryn usyndyq, – dedi Toqaev.
Sondaı-aq ShEF barysynda «Talıban»qozǵalysynyń máselesi talqylanady.
– Másele saqtyqty qajet etedi. Men búgin Talıban* qozǵalysynyń is-qımylyn muqııat qadaǵalaıtynymyzdy birneshe ret aıttym, munyń bári osyǵan baılanysty, – dedi Toqaev.
«Adyrna» ulttyq portaly
