Bügın maŋǧystaulyqtar Memleket basşysynyŋ Joldauyn ıske asyru baǧyttaryn belgıledı. Oblys äkımı Serıkbai Trūmov öŋırde atqarylatyn mındetterdı naqtylap, olardy jergılıktı deŋgeide ıske asyru üşın jauapty tūlǧalarǧa tiıstı tapsyrmalar jüktedı dep habarlaidy "Adyrna" ūlttyq portaly.
Memleket basşysy belgılegen bırınşı mındet – pandemiiadan keiıngı el ekonomikasyn damytu. Būl baǧytta öŋır ekonomikasyn ärtaraptandyru boiynşa jüielı jūmys jasaluda. Negızınen öŋdeu önerkäsıbı, turizm, qūrylys, auyl şaruaşylyǧy men kölık jäne logistika salalaryn damytuǧa basymdyq berılude.
— Bız 2025 jylǧa qarai oblystaǧy öŋdeu önerkäsıbınıŋ kölemın 254,3 mlrd teŋgege deiın arttyrudy josparlap otyrmyz, — degen oblys äkımı közdelgen mejege qol jetkızu üşın öŋır ekonomikasyna tıkelei investisiia tartu, öŋdeu önerkäsıbın damytu boiynşa jūmystardy jalǧastyrudy tapsyrdy.
Prezident Joldauy Maŋǧystauda jaŋa ken oryndarynyŋ aşyluyna da tyŋ serpın beretın boldy. Memleket basşysy geologiialyq barlau jäne jer qoinauyn keşendı zertteudı tapsyrdy.
Oblys äkımınıŋ aituynşa, būl baǧytta Özen, Jetıbai, Qalamqas jäne taǧy da basqa ken oryndarynda geologiialyq barlau jūmystary jürgızılmek. Atalǧan bastama bügınde oblysta äzırlenıp jatqan äleumettık-ekonomikalyq damu keşendı josparyna endı.
— Būl aimaqtaǧy mūnai qoryn anyqtauǧa, mūnai men gaz öndıru kölemın ūlǧaituǧa jäne mūnai kompaniialaryna qyzmet körsetetın mekemelerdıŋ jūmys kölemın arttyruǧa mümkındık beredı,-dedı S.Trūmov.
Oblysqa investor qarjysyn tartuda Aqtau arnaiy ekonomikalyq aimaǧynyŋ ülesı zor. Arnaiy ekonomikalyq aimaǧy aşylǧaly 200 mlrd teŋgeden astam investisiia qūiyldy. Bügınde būl aimaqta 19 öndırıs oşaǧy jūmys ıstep tūr. Onda 1800-ge tarta adam eŋbek etude. Aldaǧy uaqytta şeteldık jäne otandyq investorlardyŋ qatysuymen taǧy 14 joba jüzege asyrylmaq. Onyŋ 5-ı biyl ıske qosylady.
Prezident Joldauy Maŋǧystauda jaŋa ken oryndarynyŋ aşyluyna da tyŋ serpın beretın boldy. Memleket basşysy geologiialyq barlau jäne jer qoinauyn keşendı zertteudı tapsyrdy.
Oblys äkımınıŋ aituynşa, būl baǧytta Özen, Jetıbai, Qalamqas jäne taǧy da basqa ken oryndarynda geologiialyq barlau jūmystary jürgızılmek. Atalǧan bastama bügınde oblysta äzırlenıp jatqan äleumettık-ekonomikalyq damu keşendı josparyna endı.
— Būl aimaqtaǧy mūnai qoryn anyqtauǧa, mūnai men gaz öndıru kölemın ūlǧaituǧa jäne mūnai kompaniialaryna qyzmet körsetetın mekemelerdıŋ jūmys kölemın arttyruǧa mümkındık beredı,-dedı S.Trūmov.
Elımızde 2030 jylǧa qarai su tapşylyǧynyŋ kölemı 40 paiyzǧa jetuı mümkın. Atalǧan mäselenıŋ aldyn alu üşın Prezident jaŋa Joldauynda atqaruşy organdarǧa naqty tapsyrmalar jüktedı. Memleket basşysy "Astrahan-Maŋǧystau" magistraldy su qūbyrynyŋ jaŋǧyrtylatynyn jäne Kendırlıde su tūşytu zauytyn salu qajettıgın aitty.Oblys äkımı S.Trūmovtyŋ aituynşa, qazır būl zauyttyŋ jobalyq-smetalyq qūjattamasy jasaqtaluda. Qūny 87 mlrd.teŋge bolatyn joba täulıgıne 50 myŋ tekşe metr su tūşytady dep josparlanyp otyr. Käsıporyn ıske qosylǧanda Jaŋaözen qalasy tūrǧyndaryn taza auyz sumen qamtyp, qalanyŋ tırşılık närıne degen sūranysyn tolyq ötemek. — Köpten kütken mäselenıŋ şeşıluıne jol aşqan Memleket basşysyna Maŋǧystau jūrtşylyǧynyŋ atynan alǧys aitamyn,-dedı öŋır basşysy. Ötken jyly oblys äkımınıŋ bastamasymen jaz ailarynda tuyndaityn su tapşylyǧyn boldyrmas üşın 5 jyldyq jospar qabyldandy. Aqtau qalasy jäne oǧan ırgeles ornalasqan Mūnaily, Qaraqiia audandarynyŋ auyldaryn auyz sumen jetkılıktı deŋgeide qamtamasyz etu maqsatynda "Kaspii" su tūşytu zauytynyŋ quatyn ekı ese iaǧni 40 myŋ tekşe metrge deiın ūlǧaitu közdelgen edı. Qazır jūmys qarqyndy jürgızılude. Jobany 2022 jyldyŋ basynda aiaqtau josparlanǧan.
"QazMūnaiGaz" ūlttyq kompaniiasy "Qarajanbas" ken ornynda täulıgıne 17 myŋ tekşe metr su tūşytatyn zauyt salyp jatyr. Būl zauyt biyl jyl soŋyna ıske qosylady dep kütılude. Öndırısten auysqan su tūrǧyndardyŋ qajetıne alynatyn bolady."MAEK-Qazatomönerkäsıp" JŞS-na qarasty täulıgıne 24 myŋ tekşe metr su tūşytatyn qondyrǧysyn salu josparlanǧan. Qazır jobalyq-smetalyq qūjattamasy jasaqtaluda. Qūjat tolyq räsımdelıp bıtkennen keiın, jobany keler jyly bastau közdelude. Fort-Şevchenko qalasynda quaty täulıgıne 5 myŋ tekşe metrdı qūraityn su tūşytu qondyrǧysyn NKOK kompaniiasynyŋ oblys üşın äleumettık qoldau aiasynda ıske asyru josparlanyp otyr. Däl osyndai joba Aqşūqyr jäne Saiyn Şapaǧatov eldı mekenderınde de salynady. — Qūiylys - Mūnaily – Aqtau baǧytynda jaŋa su qūbyry tartylady. Öŋırdegı su közderın ızdestıru-zertteu jūmystary qolǧa alyndy. Būl aldaǧy jyldary oblys jūrtşylyǧyn sumen qamtu üşın naqty şaralar qabyldauǧa mümkındık beredı degen senımdemız,-dedı oblys äkımı S.Trūmov.
Joldauda Memleket basşysy halqymyzdyŋ äl-auqatyn arttyruǧa arnalatyn 5 negızgı bastamany belgıledı. 2022 jyldyŋ 1 qaŋtarynan bastap eŋ tömengı jalaqy mölşerı 42 500 teŋgeden 60 myŋ teŋgege deiın köbeietın boldy. Eŋbekaqynyŋ ösuı 19365 maŋǧystaulyq tūrǧynǧa oŋ äserın tigızbek.Sonymen qatar Maŋǧystau oblysy boiynşa 52 myŋnan astam azamattyq qyzmetşılerdıŋ (mädeniet qyzmetkerlerınıŋ, mūraǧatşylardyŋ, kıtaphanaşylardyŋ, tehnikalyq qyzmetkerlerdıŋ, qoryqşylardyŋ, kölık jürgızuşılerınıŋ) eŋbekaqysy 2022 jyldan 2025 jylǧa deiın 20 paiyzǧa ösetın boldy. Sözınıŋ soŋynda S.Trūmov maŋǧystaulyqtardy jaŋa Joldaudy jūdyryqtai jūmyla jüzege asyruǧa şaqyrdy.
"Adyrna" ūlttyq portaly.
