Ekologiialyq monitoringtıŋ nätijesı boiynşa elımızdıŋ 10 qalasynda atmosferalyq auanyŋ joǧary lastanuy tırkelıp otyr dep habarlaidy "Adyrna" ūlttyq portaly Ekologiia ministrlıgınıŋ baspasöz qyzmetıne sılteme jasap.
Olardyŋ qatarynda Temırtau, Nūr-Sūltan, Almaty, Aqtöbe, Atyrau, Öskemen, Qaraǧandy, Balqaş, Jezqazǧan, Şymkent qalalary bar.Būl turaly Ekologiia, geologiia jäne tabiǧi resurstar ministrı Maǧzūm Myrzaǧaliev Memleket basşysynyŋ 2021 jylǧy 1 qyrküiektegı Qazaqstan halqyna Joldauyn ıske asyru jönınde ötken Ükımet otyrysynda mälımdedı. Ministr biyl Ekologiialyq kodekske säikes käsıporyndar eŋ üzdık qoljetımdı tehnologiialardy (EÜQT) engızetının, ministrlık pen käsıporyndardyŋ arasynda memorandumdar men jol kartalaryna qol qoiylǧanyn aitty. Sondai-aq ol käsıporyndar şyǧaryndylardy 20% paiyzdan 30% paiyzǧa deiın qysqartudy josparlap otyrǧanyn jetkızdı.
Sonymen 2025 jylǧa qarai elımızdıŋ 10 qalasyndaǧy bırınşı sanattaǧy käsıporyndar üşın şyǧaryndylar limitı 20 paiyzǧa tömendetıletın bolady.Sondai-aq, Maǧzūm Myrzaǧaliev şyǧaryndylardy azaitu maqsatynda äkımdıkter eldı mekender men şaruaşylyq subektılerın gazdandyrudy jalǧastyru qajet ekenın atap öttı.
"Adyrna" ūlttyq portaly.
