2021 jyldyń basynan beri 12,5 myńnan astam adam qandas mártebesin aldy

2780
Adyrna.kz Telegram

2021 jylǵy 1 qyrkúıektegi jaǵdaı boıynsha 12 501 adam tarıhı otanymen tabysyp, qandas mártebesin aldy, dep habarlaıdy "Adyrna" ulttyq portaly QR EHÁQM baspasóz qyzmetine silteme jasap. 

QR EHÁQM málimetinshe, 1991 jyldan beri respýblıkaǵa 1 mıllıon 82,8 myń etnıkalyq qazaq oraldy.

Osy jyldyń basynan Qazaqstanǵa kelgen qandastardyń jartysynan kóbi (76,0%) Ózbekstannan, 9,8% – Qytaıdan, 6,8% – Túrikmenstannan, 2,5% – Mońǵolııadan jáne 4,9% basqa elderden qonys aýdarǵan.

- Kelgen etnıkalyq qazaqtar negizinen Almaty (28,4%), Mańǵystaý (19,5%), Túrkistan (13,8%) jáne Jambyl (8,2%) oblystaryna, sondaı-aq Shymkent (10,4%) qalasyna qalasyna qonystandy.

- Aǵymdaǵy jylǵy 1 qyrkúıektegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55,2%-dy, eńbekke qabiletti jastan kishi 27,1%-dy jáne zeınetkerler 17,6%-dy quraıdy, -  delingen vedomstvo taratqan aqparatta.

Eńbekke qabiletti jastaǵy qandastardyń ishinen bilim deńeıi boıynsha 11%-y joǵary bilimdi, 39,4%-y orta kásibı bilimdi, 45,7%-y jalpy orta bilimdi jáne 3,9%-nyń bilimi joq ekeni málim boldy.

"Adyrna" ulttyq portaly

 

Pikirler