2021 jylǧy 1 qyrküiektegı jaǧdai boiynşa 12 501 adam tarihi otanymen tabysyp, qandas märtebesın aldy, dep habarlaidy "Adyrna" ūlttyq portaly QR EHÄQM baspasöz qyzmetıne sılteme jasap.
QR EHÄQM mälımetınşe, 1991 jyldan berı respublikaǧa 1 million 82,8 myŋ etnikalyq qazaq oraldy.
Osy jyldyŋ basynan Qazaqstanǧa kelgen qandastardyŋ jartysynan köbı (76,0%) Özbekstannan, 9,8% – Qytaidan, 6,8% – Türıkmenstannan, 2,5% – Moŋǧoliiadan jäne 4,9% basqa elderden qonys audarǧan.
- Kelgen etnikalyq qazaqtar negızınen Almaty (28,4%), Maŋǧystau (19,5%), Türkıstan (13,8%) jäne Jambyl (8,2%) oblystaryna, sondai-aq Şymkent (10,4%) qalasyna qalasyna qonystandy. - Aǧymdaǧy jylǧy 1 qyrküiektegı jaǧdai boiynşa eŋbekke qabılettı jastaǧy etnikalyq qonys audaruşylar sany 55,2%-dy, eŋbekke qabılettı jastan kışı 27,1%-dy jäne zeinetkerler 17,6%-dy qūraidy, - delıngen vedomstvo taratqan aqparatta.Eŋbekke qabılettı jastaǧy qandastardyŋ ışınen bılım deŋeiı boiynşa 11%-y joǧary bılımdı, 39,4%-y orta käsıbi bılımdı, 45,7%-y jalpy orta bılımdı jäne 3,9%-nyŋ bılımı joq ekenı mälım boldy.
"Adyrna" ūlttyq portaly
Ūqsas jaŋalyqtar
