«Otandastar qory» KEAQ būl turaly ūsynystaryn jaŋadan äzırlenıp jatqan Qazaqstan Respublikasynyŋ köşı-qon saiasatynyŋ 2022-2026jj. Tūjyrymdamasyn äzırleu jönındegı jūmys tobyna jäne basqa da müddelı ortalyq memlekettık organdarǧa būrynda da joldaǧan bolatyn. Būl jaiynda «Otandastar qory» Qoǧamynyŋ ūiymdastyruymen ötken Qazaqstan Respublikasynyŋ Prezidentı Qasym-Jomart Toqaevtyŋ halyqqa joldauyn talqylau kezınde Qoǧam vise-prezidentı Maǧauiia Sarbasov aitty.
«Atajūrtqa taban tıregen aǧaiyn üşın jergılıktı atqaruşy organdardyŋ qoldauy qajet. Äkımder jūmysynyŋ tiımdılıgı, basqa da körsetkıştermen qosa qandastardyŋ beiımdeluı boiynşa körsetken kömekter negızındegı körsetkıştermen ölşenıp, baǧalanuy tiıs.
Atalǧan ūsynystar Aqparat jäne qoǧamdyq damu ministrlıgı, Eŋbek jäne äleumettık qorǧau ministrlıgı tarapynan tiıstı qoldau tabady degen senımdemız, - deidı Maǧauiia Qanapiiaūly.
Jiynǧa Qoǧam basşylyǧy, sarapşylar, qoǧam belsendılerı, jurnalister men student jastar qatysty.
Is-şara aiasynda qatysuşylar Joldauda aitylǧan bılım beru, densaulyq saqtau, auyl şaruaşylyǧy, tūrǧyn-üi qūrylysy jäne taǧy basqa salalarǧa engızıletın oŋ özgerısterge qoldau bıldıretının jetkızdı. Osy oraida, Qoǧam vise-prezidentı Maǧauiia Sarbasov memleket tarapynan elge oralǧan aǧaiyndar men şetelde tūratyn qandastardy qoldauǧa arnalǧan türlı jobalarmen tanystyrdy.
