Bügın Maŋǧystau oblysynyŋ äkımı Nūrlan Noǧaev apparat jiynynda osylai dedı, dep habarlaidy "Adyrna" ūlttyq portaly.
Oblys äkımdıgıne qarasty qūrylymdyq jäne aumaqtyq bölımşelerdıŋ basşylary jinalǧan keŋeste Nūrlan Noǧaev jinalǧandardyŋ nazaryn Prezident Joldauynda körsetılgen tapsyrmalardy mültıksız oryndau qajettıgıne audardy.
Atap aitqanda, oblys äkımı qys mezgılıne jem-şöp qoryn daiyndau, jylu beru mausymyna daiyndyqty, sondai-aq halyqty auyz sumen üzdıksız qamtamasyz etuge baǧyttalǧan jobalardy ıske asyruǧa baqylaudy küşeitu kerektıgın atap öttı.Sondai-aq basqosuda öŋırdegı epidemiologiialyq jaǧdai talqylandy. Nūrlan Noǧaev osy baǧyttardyŋ barlyǧyn Maŋǧystau oblysynyŋ keşendı damu josparyna engızudı tapsyrdy. "Halyqtyŋ memlekettık organdarǧa degen senımın qalyptastyratyn negızgı faktorlardyŋ bırı - "Halyq ünıne qūlaq asatyn memleket" tūjyrymdamasynda körsetılgen şaralardy jüzege asyru bolyp tabylady", - dep atap öttı oblys äkımı. — Memlekettık qyzmetşıler öŋır tūrǧyndary üşın barynşa aşyq boluǧa tiıs. Jaqyn arada äkımdık pen tūrǧyndar arasynda özara bailanysyn küşeituge arnalǧan bırqatar şaralar qabyldanatyn bolady. Sondai-aq, Nūrlan Noǧaev eŋbek daulary mäselesın qozǧady.
"Jūmysşy men jūmys beruşınıŋ arasyndaǧy barlyq eŋbek daulary zaŋ aiasynda konstruktivtı dialog arqyly şeşıluı tiıs", — dedı oblys äkımı.Apparat jiynynyŋ qorytyndysy boiynşa jauapty tūlǧalarǧa bırqatar naqty tapsyrmalar berıldı.
"Adyrna" ūlttyq portaly.
