Oblys äkımı Mahambet Dosmūhambetovtıŋ qatysuymen bılım künı qarsaŋynda «Ainalaiyn» qaiyrymdylyq marafony öttı. Ol QR Täuelsızdıgınıŋ 30 jyldyǧyna orailastyryldy.
Is-şaraǧa Ǧ.Mūratbaev atyndaǧy qalalyq orta mektebınıŋ inkliuzivtı synyp oquşylary, olardyŋ mūǧalımderı men analary jäne ÜEŪ ökılderı qatysty.
- Erekşe bılımdı qajet etetın balalardy oqytu üşın barlyq qajettı jaǧdailar jasaluda. Qazır inkliuzivtı bılım beruge köp köŋıl bölınude. Osyǧan bailanysty Atyrau oblysynda arnaiy keŋes beru, tüzetu kabinetterı jūmys ısteidı, mektep-internattar janynan Oŋaltu ortalyqtary ıske qosyldy, al qarapaiym mektepterde jaŋa formatta inkliuzivtı synyptar aşyluda. Erekşe balalarǧa psihologiialyq, medisinalyq, pedagogikalyq keŋes beru üşın oblys ortalyǧynda arnaiy ortalyq salu josparlanuda,- dep öŋır basşysy balalardy kele jatqan jaŋa oqu jylymen qūttyqtady.Ata-analar men demeuşıler atynan erekşe balalardy tärbielep otyrǧan Güldäuren Arystanovaǧa alǧysyn bıldırdı. Öŋır basşysy barlyq balalarǧa mektep formasy men keŋse tauarlaryn satyp alu üşın sauda ortalyqtaryna sertifikattar tabys ettı. Oblys boiynşa osyndai sertifikattardy 7000-nan astam bala aldy. Onyŋ 3000-nan astamy Atyrau qalasynda tūrady. Aita keteiık, bas demeuşı «Embımūnaigaz» AQ boldy.
