Er adam Lisakovsk qalasyndaǧy tūrǧyn üidıŋ kıreberısınde atysyp, ūstau kezınde ony polisiia qyzmetkerlerı jaraqattady.
Boljam boiynşa jöndeu jūmystaryna bailanysty körşılerımen janjal tuyndaǧan. Lisakovsk qalasynyŋ tūrǧyny aŋşylyq myltyqpen kıre berıske şyǧyp, atys bastaǧan. Er adam ekı äieldı jaraqattaǧan. Ony ūstauǧa jedel-tergeu toby şaqyrylyp, oqiǧa ornyna tez arada jetken.
"Oqiǧa ornyna jetkende küdıktı polisiia qyzmetkerlerıne qarsy oq atqan, tergeu-jedel tobynyŋ tergeuşısın jaralaǧan, sodan keiın üidıŋ kıreberısıne kırıp ketken. Ony ūstau kezınde ol polisiiaǧa oq atudy jalǧastyrǧan. Üi tūrǧyndarynyŋ qauıpsızdıgı üşın jäne küdıktınıŋ odan ärı zaŋsyz äreketterıne jol bermeu üşın polisiia qarudy qoldanuǧa mäjbür bolyp, küdıktını jaralaǧan. Osydan keiın qaruly adam öz päterıne qaşyp ketken, keiın ony qūqyq qorǧau qyzmetkerlerı ūstaǧan. Üidıŋ kıreberısınde oq jaraqaty bar ekı äiel tabyldy. Işkı ıster organdarynyŋ qyzmetkerlerı zardap şekkenderge kömektesu üşın bırden jedel järdem şaqyrdy", - dep habarlady Qostanai oblysynyŋ PD.
Küdıktı ūstau kezınde auyr jaralanǧan, keiın reanimasiiada qaitys boldy. Jaralanǧan äielderdıŋ bırı köp qan joǧaltu äserınen köz jūmdy. Qazırgı uaqytta qajettı tergeu äreketterı jürgızılude, sonymen qatar prokuratura organdary qarudy qoldanudyŋ zaŋdylyǧy mäselesın zerttep jatyr.
"Adyrna" ūlttyq portaly
