Altyn adam tabylǧan Esık qalasynyŋ maŋaiynda arheologtar älı de zertteu jürgızude. Esık memlekettık tarihi-mädeni qoryq muzeiınıŋ ǧylymi qyzmetkerlerı qazba jūmystary barysynda qola däuırınıŋ ekı qabatty obasyn tapty, dep habarlaidy «Adyrna» tılşısı «Qazaqstan» ūlttyq arnasyna sılteme jasap.
Aǧa ǧylymi qyzmetker Hamit Amantaiūly ekı qabatty molany Örıktı auylynyŋ maŋyndaǧy ülken qorymnan taupty. Şamamen qola däuırıne jatqyzyp otyr. Ekı aiaǧyn bügıp jatqan bır adamnyŋ qaŋqasynyŋ aiaǧynyŋ tömengı jaǧynan tastan qalanǧan şeŋberge kezıkken. Ony qazǧanda ışınde jatqan taǧy bır adam süiegıne tap bolǧan. Jerleu räsımın qola däuırınıŋ mädenietıne jatqyzyp otyr.
Hamit Amantaiūly, Esık memlekettık tarihi-mädeni qoryq muzeiınıŋ aǧa ǧylymi qyzmetkerı: Qola däuırıne de özıne tän qyş ydystarynyŋ fragmentterı, sondai-aq tastan jasalǧan pyşaq bar. Onyŋ bır şetı synǧan. Ol kezdegı nanym-senım boiynşa jalpy synǧan närsı, syndy degen närse öldı degenmen bırdei bolyp, ölgen adammen bırge qoiylatyn atribut esebınde paidalanǧan.Muzei zertteuşılerı osy maŋaida neolit, temır däuırlerınde de adamdar ömır sürgen deidı. Tabylǧan artefaktıler zerthanada däleldense 40-45 myŋ jyldyq qonystardyŋ kuäsı bolatynyn aitady. Al qoryq-muzeidıŋ özınde de jaŋalyq joq emes. Jylqynyŋ qazaq dalasynda qolǧa üiretılgenın alǧa tartyp, Eŋbekşıqazaq audany maŋynan jylqy malyna qatysy bar dünielerdı jūrt nazaryna ūsynyp otyr.
Dosym Zıkıriia, Esık memlekettık tarihi-mädeni qoryq muzeiı direktorynyŋ orynbasary: Olar būiymdardyŋ köbı erte temır däuırınen orta ǧasyrǧa deiın keledı. Mysaly keluşılerge erte temır däuırındegı auyzdyqtardyŋ qandai bolǧanyn, şyŋǧalarymyzdyŋ, üzeŋgılerdıŋ qandai bolǧanyn osy körme arqyly tamaşai alady.Qazır mūndaǧy ǧalymdar Mädeniet jäne sport ministrlıgınıŋ «Ǧylymi qoldanbaly zertteu» biudjettık baǧdarlamasynyŋ ekı jobasyn qolǧa alǧan. Örıktı şatqalynda zertteu jūmystary älı de jalǧasuda.
«Adyrna» ūlttyq portaly
