Maŋǧystau oblysynda 600 ırı şarua qojalyǧy men 6 myŋǧa juyq şaruaǧa qarjylai qoldau körsetıldı

Būl turaly Qoǧamdyq kommunikasiia ortalyǧynda ötken brifingte Maŋǧystau oblystyq auyl şaruaşylyǧy basqarmasynyŋ basşysy Serık Qaldyǧūl mälım ettı dep habarlaidy "Adyrna" ūlttyq portaly. Biyl Maŋǧystau oblysynda quaŋşylyqtan zardap şekken şarualarǧa qarjylai qoldau körsetu üşın ükımet rezervınen 1,9 mlrd teŋge bölındı. Qaitarymsyz qarajat tört tülıktıŋ analyq basy üşın mal azyǧyna jūmsalǧan şyǧyndardy ışınara öteuge berılude.

Qazırgı taŋda bölıngen qarajattyŋ 57%-y igerıldı, iaǧni, 5900 jeke qosalqy üi şarua qojalyqtaryna 745 mln teŋge jäne 575 şarua qojalyǧyna 395 mln teŋge qarjylai memlekettık qoldau körsetıldı.

Basqarma basşysynyŋ aituynşa, qazırgı uaqytta şarualardy jem-şöppen qamtamasyz etıp, mal azyǧy tapşylyǧyn joiu maqsatynda bırqatar jūmystar jürgızılıp jatyr.

1. Jergılıktı biudjetten 150 mln teŋge bölınıp, «Kaspii» ÄKK AQ-y arqyly atalǧan qaitarymdy qarjyǧa 15 şıldeden berı är qala, audandardan taǧaiyndalǧan operatorlar qajettılıkke qarai şöp tasymaldap jatyr. Bügıngı künge deiın 1350 tonna şöp satyp alyndy. Būl jūmystar jyl aiaǧyna deiın jalǧasady.
2. Jergılıktı biudjetten 54 mln teŋge bölınıp, qaitarymdy qarajatqa audandardan taǧaiyndalǧan operatorlar Qostanai oblysynan 950 tonna arpa jetkızdı. Qazırgı taŋda arpa tügel satylyp, ainalymdaǧy qarjyǧa qosymşa 1 myŋ tonna mal azyǧyn satyp alu jūmystary jürude.
3. Sonymen qatar 107 mln teŋgege 15 vagon 3-4 sortty bidai (bidai qaldyǧy) satyp alyndy, jaqyn künderı öŋırge jetkızıledı.

Jalpy jyl basynan berı oblysqa 41 500 tonna şöp tasymaldandy.  Sonyŋ 3500 tonnasy özge öŋırlerden kömek retınde jetkızılıp, quaŋşylyqtan zardap şekken mal ielerıne tegın ülestırıldı. Al öŋırge tasymaldanǧan jem kölemı 24 myŋ tonnany qūrady. Spikerler auyl şaruaşylyǧy januarlaryn bırdeilendıru bazasyna tırkelmegen malǧa memleket tarapynan subsidiia nemese qoldau körsetılmeitının aitty.

Qazır öŋırde 636 824 bas mal tırkelgen. Onyŋ ışınde ölgenı 1163 (jalpy sanynyŋ 0,18%). Ölgen maldyŋ 194-ı ǧana auylşaruaşylyǧy januarlaryn bırdeilendıru derekqoryna tırkelgen.

— Tötenşe jaǧdailar departamentı aua ylǧaldylyǧyna tekseru jürgızdı. Nätijesı tötenşe jaǧdai jariialau şarttaryna säikes kelgen joq. Sondai-aq, januarlar arasynda ulanu men jūqpaly auruǧa şaldyǧu deregı tırkelmedı jäne ösımdıkter ziiankesterden zaqymdanbaǧan, iaǧni tötenşe jaǧdai jariialauǧa zaŋdy negız joq, — deidı ol.

2021 - 2022 jyldarǧa öŋırdegı tört tülıktı qystyq mal azyǧymen qamtamasyz etu maqsatynda, QR Premer-Ministrı A.Maminnıŋ tapsyrmasyna säikes, biudjetten qaitarymdy qarajat retınde mal azyǧyna 5,3 mlrd. teŋge qarjy bölındı. (1,9 mlrd. teŋge – şöp, 3,4 mlrd. teŋge – jem). Būl qarjyǧa jyl soŋyna deiın 26 myŋ tonna şöp pen 34 myŋ tonna jem satyp alynady dep josparlanuda.

Qazır atalǧan qarjynyŋ 600 mln teŋgesıne mal azyǧyn tasymaldaityn operatorlar taǧaiyndalyp, özge öŋırlerden şöp tasymaldau jūmystary bastalyp kettı. Būdan bölek Atyrau men Aqtöbe oblystarynyŋ şabyndyq jerlerınen şöp şabuǧa 5 şarua qojalyǧy attandy. Olar özderıne qor jinap, artyǧyn özge mal ielerıne satady. Sonymen qatar bügıngı künı jergılıktı şabyndyqta 14 brigada şöp şauyp jatyr. Olar jyl aiaǧyna deiın 15 myŋ tonna şöp daiyndamaq.  

"Adyrna" ūlttyq portaly.