QR Parlamentı Mäjılısınıŋ deputaty Bekbolat Tıleuhan halyqtyŋ Elbasy Nūrsūltan Nazarbaevtyŋ masyldyq psihologiiaǧa qatysty “Mikrokredit al da ekı siyr satyp al. Özıŋdı asyra” degen sözın mazaqqa ainaldyruyn “opasyzdyq” dep sanaidy. Būl jaiynda deputat "Qasqa Jol" atty Youtube arnasynda jurnalist Abai Seifullaǧa bergen sūhbatynda aitty dep habarlaidy "Adyrna" ūlttyq portaly "altyn-orda.kz-ke" sılteme jasap.
"Bız 2020-2021 jyldary Nazarbaevtyŋ baǧasyn bere almaimyz. 2040-2045 jyldary onyŋ qadırın bıletın jaǧdaiǧa keluımız mümkın. Opasyzdyq ıstedık. Elınıŋ aqsaqalyn, Elbasyn sonşama därejede masqaralap, mazaqqa ūşyratu qoǧam tarapynan opasyzdyq boldy dep aita alamyn. Şynynda da, opasyzdyq. Syna, bıraq mazaqtauǧa bolmaidy. Mazaqtau basqa, synau basqa. Ol sözım üşın men jauap berem",- dedı deputat. Sözıne dälel retınde Bekbolat Tıleuhan Elbasynyŋ täuelsızdıktıŋ alǧaşqy jyldaryndaǧy egemendıktı saqtap qalu, şekarany bekıtu jolyndaǧy ırı qadamdaryn atap öttı.
"Zamanynda köp närsenıŋ qadırın bıle bermeimız. Köp adamǧa ūnamaitynyn bılem. Bıraq ūnamaidy dep özım ilanǧan aqiqatty jasyryp qal almaimyn. Nazarbaev – ūly saiasatker. Közım jetken soŋ aitamyn. Men Nazarbaevtyŋ soiylyn soǧyp jatqan joqpyn, tarihi aqiqatty aityp jatyrmyn", – dep pıkır bıldırdı ol.
"Adyrna" ūlttyq portaly.
Ūqsas jaŋalyqtar
