Bul týraly aımaq basshysy Mahambet Dosmuhambetovtiń tóraǵalyǵymen ótken otyrysta oblystyq densaýlyq basqarmasynyń basshysy málimdedi.
Jıynda oblystyq densaýlyq basqarmasynyń basshysy Ashan Baıdýálıev óńirdegi epıdemııalyq jaǵdaıdy baıandady.
«Qazirgi tańda ınfekııalyq staıonarda 433 naýqas emdelýde. Tósek-oryn júktemesi 18,4 %-dy quraıdy. Al, osydan bir aı buryn 1776 naýqas ınfekııalyq staıonarda jatqan bolatyn. Búgingi kúnmen salystyrsaq naýqastar sany 4,1 esege tómendep otyr. Sondaı-aq, sońǵy bir aıdy salastyratyn bolsaq ambýlatorııalyq em qabyldap jatqan naýqastar sany 8693-ten 1534-ge tómendegen, ıaǵnı 5,6 eseni quraıdy»,-dedi ol.
Sonymen qatar, basqarmasy basshysy oblystaǵy vakınaııalaý jumystaryna da toqtalyp ótti. A.Baıdýálıevtiń aıtýynsha, búgingi kúnge deıin óńirge 248 330 doza I komponent jáne 211 330 II komponent vakına jetkizilse, turǵyndardyń 72,5%-y ekpe alyp úlgergen.
Dese de basqarma basshysy sońǵy ýaqytta ekpe jumystary báseńdegen aýdandardy da atap ótti. Aıtalyq, oblys boıynsha ekpemen qamtýdyń eń joǵarǵy kórsetkishi Atyraý qalasynda 80,0% jáne Qurmanǵazy aýdanynda 65,0% bolsa, al kerisinshe eń tómengi kórsetkish Mahambet 52,7% jáne Jylyoı aýdanynda 36,2% qurap otyr.
Oblys ákimi Mahambet Dosmuhambetov aýdan ákimderine ekpe jumystaryn kúsheıtý qajettigin basa tapsyrdy.
«Eldegi vakınaııalaý jumystarynyń oń nátıjelerin kórsete otyryp, buqaralyq aqparat quraldarynda, áleýmettik jelilerde nasıhattaý jumystaryn jalǵastyryp, vakına alýǵa qarsy kórsetilimi joq azamattardyń tolyq ekpeden ótýin qamtamasyz etý kerek»,-dedi M.Dosmuhambetov.
Aıta keteıik, oblysta indet bastalǵaly 49 762 adamnan COVID-19 koronavırýs ınfekııasy anyqtalyp, osy aralyqta syrqattanǵan naýqastardyń 94%-y saýyǵyp shyqqan.
