Atyrau oblysynyŋ äkımı halyq sanaǧyn joǧary deŋgeide ötkızudı tapsyrdy

Aimaq basşysy Mahambet Dosmūhambetovtıŋ töraǧalyǧymen jiyn ötkızılıp, öŋırdegı halyq sanaǧyna qatysty jūmystar pysyqtaldy. Jiynda QR Strategiialyq josparlau jäne reformalar agenttıgı Ūlttyq statistika biurosynyŋ Atyrau oblysy boiynşa departamentınıŋ basşysy Galia Mūhanǧalieva osy uaqytqa deiın jasalǧan jūmystarǧa toqtaldy.

«Halyq sanaǧynyŋ onlain rejimde ötu artyqşylyqtary men tärtıbın tüsındıru maqsatynda Atyrau qalasy äkımdıgınıŋ qoldauymen 7-13 qyrküiek aralyǧynda Statistika departamentı mamandarymen Atyrau qalasyndaǧy 30-dan asa ırı käsıporyndar men mekemelerdıŋ qyzmetkerlerı arasynda kezdesuler ūiymdastyrylyp, onlain sanaqtan ötu boiynşa praktikalyq kömekter körsetıldı. Atqarylǧan şaralardyŋ nätijesınde, 2021 jyldyŋ 18 qyrküiegındegı derekterge säikes, oblys boiynşa halyq sanaǧynan onlain rejimınde ötken tūrǧyndardyŋ sany 145 089 adamǧa jetıp, oblys halqynyŋ 21,9%-y qamtyldy»,-dedı ol.

Sondai-aq, departament basşysynyŋ sözınşe, Ūlttyq halyq sanaǧynyŋ negızgı kezeŋınde oblys boiynşa 898 adam uaqytşa jūmysqa tartylsa, onyŋ ışınde 111 nūsqauşy-baqylauşy jäne 787 interviuer bolmaq. Aita keteiık, Halyq sanaǧynan onlain rejimınde ötu mümkındıkterın keŋeitu maqsatynda, oblysta 90-nan astam uchaskede «Halyq sanaǧynan öz betınşe ötu būryştary» qūrylyp, 50-ge tarta erıktıler ügıt-nasihat jūmystaryna tartylǧan.

Aimaq basşysy Mahambet Dosmūhambetov öŋırdegı halyq sanaǧyn joǧary deŋgeide ötkızudı tapsyrdy. «Ol üşın äleumettık jelıler men būqaralyq aqparat qūraldarynda tüsındırme jūmystaryn küşeitıp, tūrǧyndardyŋ internet jelısı arqyly onlain rejimde ötuı ūiymdastyryluy qajet. Oǧan qosa, sanaqtyŋ negızgı kezeŋnıŋ nūsqauşy – baqylauşylar men mamandar bölınısın qalyptastyra otyryp, tez arada jūmysqa alu jūmystary qolǧa alynsyn»,-dedı M.Dosmūhambetov.

Eske sala keteiık, Ūlttyq halyq sanaǧynyŋ negızgı kezeŋı osy jyldyŋ 1 qyrküiegınde onlain formatta bastalǧan bolatyn. Būl jūmystar biyl 15 qazanǧa deiın jalǧasady.