Türık azamatşasy Fatma Sönmez iemdengen marapatyn Qazaqstannyŋ täuelsızdıgınıŋ otyz jyldyq mereitoiy men Elbasynyŋ eren eŋbegıne arnady.
Türık azamatşasy Fatma Sönmez: «Mereitoiyŋ qūtty bolsyn, Türkı älemınıŋ jaryq jūldyzy, atajūrtym – Qazaqstanym»!
Türkiianyŋ Media men BAQ assosiasiiasy qoǧam qairatkerı, Türkıstan qalasynyŋ qūrmettı azamaty Fatma Sönmezdı Qazaqstan men Türkiia arasyndaǧy bauyrlastyqty nyǧaituǧa, sondai-aq, Kyrykkale qalasynyŋ damuyna qosqan ülesı üşın «Jyldyŋ eŋ üzdık elaralyq köŋıl elşısı» syilyǧymen marapattady.
Atalmyş marapat Sönmezge «Kyrykkale qalasynyŋ damuyna üles qosqandardy marapattau räsımı» aiasynda «Kyrykkale qalasynyŋ Türkiia men älemge aşylǧan brendı» nominasiiasynda tabystaldy.
Türkiianyŋ Kyrykkale şaharynda media, biznes, saiasat jäne qoǧamdyq ūiym köşbasşylarynyŋ qatysuymen ötken saltanatty marapattau räsımınde söz alǧan Fatma Sönmez: «Marapatymdy ärdaiym maǧan qolqanat bolyp, demeu bolyp kelgen ata-anama, atajūrtym Qazaqstannyŋ täuelsızdıgınıŋ otyz jyldyq mereitoiyna, Qazaqstannyŋ Tūŋǧyş prezidentı, Elbasy qūrmettı Nūrsūltan Nazarbaevqa jäne özımnıŋ de qūrmettı azamaty bolyp tabylatyn Iаsaui atamnyŋ qasiettı şahary – Türkıstanǧa arnaimyn. Mereitoiyŋ qūtty bolsyn, Türkı älemınıŋ jaryq jūldyzy, atajūrtym – Qazaqstanym!», -dep, igı sözderın Qazaq elıne arnady.
Türkıstan qalasynyŋ qūrmettı azamaty, «Ierlı Düşünje» jurnalynyŋ tūraqty avtory, Iаsaui mūrasyn nasihattauşy, qoǧam qairatkerı, Qazaqstan men Türkiianyŋ bauyrlastyǧyn nyǧaitu maqsatynda jüzege asqan köptegen halyqaralyq jobalardyŋ avtory bolyp tabylatyn Fatma Sönmez qazırgı kezde Türkiianyŋ Kyrykkale qalasynyŋ Iаhşihan audandyq densaulyqsaqtau departamentınıŋ direktory qyzmetın atqarady.
"Adyrna" ūlttyq portaly
