Balaeva Ulttyq joba aıasynda júzege asyrylǵan jobalar týraly málimdedi. Bul týraly Aqparat jáne qoǵamdyq damý mınıstri Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń keńeıtilgen májilisinde aıtty.
Memleket basshysynyń tapsyrmasyna sáıkes «Rýhanı jańǵyrý» baǵdarlamasy 2021 jyldan bastap qoǵamdyq sanany ulttyq jańǵyrtý kezeńine ótkizýge arnalǵan jol kartasy retinde Úkimet qaýlysymen Ulttyq joba retinde daıyndaldy, - dedi Balaeva.
Ol ataǵandaı, Ulttyq joba aıasynda ázirlengen barlyq shara jas ereksheligine qaraı sáıkestendirildi.
Búgingi tańda baǵdarlamanyń alty negizgi baǵyty boıynsha 16 arnaıy joba júzege asyrylyp jatyr. Árıne, ár jobanyń óz orny, óz aýdıtorııasy bar. Olardyń arasynda «Týǵan jer», «100 jańa esim», «Kıeli Qazaqstan», «100 jańa oqýlyq» jobalary bar. Olar qoǵamnan óz baǵalary men qoldaýyn aldy, - dedi Balaeva.
Mınıstr ataǵandaı, «Týǵan jer» jobasyna búkil el boıynsha 13 myńnan astam meenat qatysyp, 280 mlrd teńge somasyna 7 myńǵa jýyq áleýmettik nysan salyndy.
«Rýhanı jańǵyrý» baǵdarlamasynyń arqasynda halqymyzdyń qaıyrymdylyq qyzmetiniń jańa dástúrleri jańǵyrtylyp, moıyndaldy. «Kıeli Qazaqstan» jobasy aıasynda jalpyulttyq mańyzy bar tanymal oryndar men nysandardyń tizimi keńeıtildi. Jalpyulttyq mańyzy bar 2 myńnan astam nysan jáne óńirlik mańyzy bar 500-den astam nysan anyqtalyp, elimizdiń kıeli jerleriniń kartasy men eki tomdyq enıklopedııasy jarııalandy,-dedi ol.
Balaeva el boıynsha 28 tarıhı nysan qaıta jańǵyrtylyp, «Bozoq», «Botaı» jáne «Saraıshyq» murajaı-qoryqtary ashylǵanyn aıtty.
«Adyrna» ulttyq portaly
