Balaeva Ūlttyq joba aiasynda jüzege asyrylǧan jobalar turaly mälımdedı. Būl turaly Aqparat jäne qoǧamdyq damu ministrı Qoǧamdyq sanany jaŋǧyrtu baǧdarlamasyn ıske asyru jönındegı ūlttyq komissiianyŋ keŋeitılgen mäjılısınde aitty.
Memleket basşysynyŋ tapsyrmasyna säikes «Ruhani jaŋǧyru» baǧdarlamasy 2021 jyldan bastap qoǧamdyq sanany ūlttyq jaŋǧyrtu kezeŋıne ötkızuge arnalǧan jol kartasy retınde Ükımet qaulysymen Ūlttyq joba retınde daiyndaldy, - dedı Balaeva.Ol ataǧandai, Ūlttyq joba aiasynda äzırlengen barlyq şara jas erekşelıgıne qarai säikestendırıldı.
Bügıngı taŋda baǧdarlamanyŋ alty negızgı baǧyty boiynşa 16 arnaiy joba jüzege asyrylyp jatyr. Ärine, är jobanyŋ öz orny, öz auditoriiasy bar. Olardyŋ arasynda «Tuǧan jer», «100 jaŋa esım», «Kielı Qazaqstan», «100 jaŋa oqulyq» jobalary bar. Olar qoǧamnan öz baǧalary men qoldauyn aldy, - dedı Balaeva.Ministr ataǧandai, «Tuǧan jer» jobasyna bükıl el boiynşa 13 myŋnan astam mesenat qatysyp, 280 mlrd teŋge somasyna 7 myŋǧa juyq äleumettık nysan salyndy.
«Ruhani jaŋǧyru» baǧdarlamasynyŋ arqasynda halqymyzdyŋ qaiyrymdylyq qyzmetınıŋ jaŋa dästürlerı jaŋǧyrtylyp, moiyndaldy. «Kielı Qazaqstan» jobasy aiasynda jalpyūlttyq maŋyzy bar tanymal oryndar men nysandardyŋ tızımı keŋeitıldı. Jalpyūlttyq maŋyzy bar 2 myŋnan astam nysan jäne öŋırlık maŋyzy bar 500-den astam nysan anyqtalyp, elımızdıŋ kielı jerlerınıŋ kartasy men ekı tomdyq ensiklopediiasy jariialandy,-dedı ol.Balaeva el boiynşa 28 tarihi nysan qaita jaŋǧyrtylyp, «Bozoq», «Botai» jäne «Saraişyq» mūrajai-qoryqtary aşylǧanyn aitty.
«Adyrna» ūlttyq portaly
