Qazaqstan Prezidentı – Joǧarǧy Bas qolbasşy Q.Toqaev Qaruly Küşterdı, basqa da äskerler men äskeri qūrylymdardy qūrudyŋ jäne damytudyŋ jaŋa tūjyrymdamasyn bekıttı dep habarlaidy "Adyrna" ūlttyq portaly "Aqordaǧa" sılteme jasap.
QR Qorǧanys ministrlıgı Tūjyrymdama jobasyn Memleket basşysynyŋ 2019 jylǧy 2 qyrküiektegı Qazaqstan halqyna Joldauyn ıske asyru aiasynda äzırledı. Būl qūjatty daiyndauǧa ūzaqmerzımdı perspektivadaǧy damuǧa qatysty boljamdardy eskere otyryp, qazırgı äskeri-saiasi ahual men şet memleketterdegı äskeri qūrylystyŋ ürdısterı negız boldy.QR Qauıpsızdık Keŋesınıŋ Apparaty Tūjyrymdama jobasyn jan-jaqty pysyqtaǧannan keiın, qūjat biylǧy jylǧy mamyrda QR Qauıpsızdık Keŋesınıŋ otyrysynda maqūldandy. Tūjyrymdamada äskeri qauıpsızdık organdaryn 2030 jylǧa deiın qalyptastyrudyŋ jäne damytudyŋ negızgı prinsipterı men ūstanymdary qamtylǧan. Būl qūjat aiasynda atqarylatyn ıs-şaralar memlekettıŋ qorǧanys qabıletın arttyruǧa, Qaruly Küşterdıŋ, basqa da äskerler men äskeri qūrylymdardyŋ jauyngerlık äzırlıgın qamtamasyz etuge, sonyŋ ışınde daǧdarys jaǧdaiyndaǧy äreket etu mümkındıkterın keŋeituge baǧyttalǧan.
Qazaqstan tarihynda alǧaş ret äue-ǧaryştyq jäne zymyran şabuylyna qarsy qorǧanystyŋ tiımdı jüiesınıŋ elementterın qalyptastyru josparlanyp otyr.Eldıŋ orasan zor aumaǧyn jäne şekaralardyŋ ūzaqtyǧyn eskere otyryp, äskeri-kölık aviasiiasynyŋ küşterı men qūraldaryn jetıldıru arqyly äskerlerdıŋ mobildılıgın arttyru şaralary qarastyrylǧan. Sondai-aq, arnaiy operasiialardy oryndaityn küşterdı damytuǧa basa män berılgen. Qoǧamnyŋ barlyq salasyn sifrlandyru şeŋberınde Qaruly Küşterdıŋ kiber- jäne aqparattyq keŋıstıktegı ıs-äreketter jönındegı äleuetı küşeitıledı.
«Qos maqsattaǧy», iaǧni soǧys jäne beibıt uaqytta, sonyŋ ışınde tötenşe jaǧdailardyŋ saldaryn joiu üşın qoldanylatyn komponentterdı damytu josparlanǧan. Eŋ aldymen, mūndai qūramdarǧa äskeri medisina, radiasiialyq, himiialyq jäne biologiialyq qorǧanys äskerlerı, injenerlık äskerler, äskeri-kölıktık aviasiia jatqyzyldy.Jauyngerlık äzırlıktı arttyru, äskeri bölımderdıŋ oŋtaily ornalasuyn, äskeri infraqūrylymnyŋ qalyptasuyn, sonymen qatar tūrǧyndardyŋ qauıpsızdıgın qamtamasyz etu maqsatynda tiıstı infraqūrylymy bar keşendı äskeri bazalardy qūruǧa bırtındep köşu josparlanuda. Sondai-aq äskeri bılım beru, mansaptyq ösu, äskeri qyzmetşılerdı moraldyq jäne materialdyq tūrǧydan yntalandyru, qūqyqtyq tärtıp pen äskeri tärtıptı nyǧaitu, jastarǧa äskeri patriottyq tärbie beru şaralaryn jüzege asyru közdelgen. Qaruly Küşterdı jaraqtandyrudyŋ negızgı baǧyttary belgılengen. Būl otandyq qorǧanys önerkäsıbı keşenı tarapynan qamtamasyz etıletın bolady jäne käsıporyndardyŋ öndırıstı barynşa tiımdı josparlauyna mümkındık beredı. Jalpy būl Tūjyrymdamany ıske asyru memlekettıŋ qorǧanys qabıletın jäne äskeri qauıpsızdıktıŋ zamanaui qaterlerıne qarsy daiarlyǧyn arttyruǧa jäne beibıt uaqyttaǧy mındetterdı tiımdı oryndauǧa baǧyttalǧan.
Qazırgı äskeri qaqtyǧystardy eskere otyryp, jaŋa Tūjyrymdamada közdelgen täsılderge säikes, biylǧy 6-23 qyrküiek aralyǧynda Qazaqstan aumaǧynda «Otpantau-2021» keşendı äskeri oqu-jattyǧu jiyny ötkızıldı.Oqu-jattyǧu jiyny barysynda äskeri qaterler kezındegı Qaruly Küşterdıŋ komandalyq-basqaru organdary men äskeri bölımderınıŋ, Şekara qyzmetınıŋ, Ūlttyq ūlannyŋ, Tötenşe jaǧdailar ministrlıgınıŋ, sondai-aq jergılıktı atqaruşy, arnaiy memlekettık jäne qūqyq qorǧau organdarynyŋ özara ıs-qimyly tekserıldı.
Alty oblysta soǧys jaǧdaiy engızılgen kezderdegı Oblystardyŋ qorǧanys keŋesterınıŋ jūmysty ūiymdastyruy tekserıldı.Jetı oqu-jattyǧu poligonynda äskerler soǧystyŋ jaŋa formalary men ädısterın, qūrlyqta jäne äuedegı jauǧa qarsy tūru mäselelerın pysyqtady, sonymen qatar Kaspii teŋızınıŋ su aidynynda desantqa qarsy jattyǧu operasiiasyn jürgızdı. Jaŋadan alynǧan qaru-jaraq pen äskeri tehnikanyŋ, sonyŋ ışınde Su-30SM ūşaqtary, Mi-35 tıkūşaqtary, jaŋa ūşqyşsyz ūşu apparattary, äue şabuylyna qarsy qorǧanys jüielerı men radioelektrondy küres jüielerınıŋ jauyngerlık qasietterı synaldy.
"Adyrna" ūlttyq portaly.
