Jahandyq synaqtarǧa laiyqty jauap beru üşın mediaǧa degen jauapkerşılık kün sanap artyp keledı. Būl turaly «Astana Media Week – 2021» media aptalyǧyn aşqan QR Aqparat jäne qoǧamdyq damu ministrı Aida Balaeva aitty, dep habarlaidy «Adyrna» tılşısı QazAqparat-qa sılteme jasap.
«Biyl besınşı ret ötıp otyrǧan Astana Media Week aptalyǧyna hoş keldıŋızder! Jyl saiyn ötetın aqparat aptalyǧy – älemdık media üzdıkterınıŋ pıkır almasyp, täjıribe bölısetın dästürlı dialog alaŋyna ainaldy. Bügıngı zaman – damyǧan aqparat däuırı. Sondyqtan, jahandyq synaqtarǧa laiyqty jauap beru üşın mediaǧa degen jauapkerşılık kün sanap artyp keledı. Sebebı bügıngı qoǧamnyŋ aqparat aluǧa degen sūranysy da, talǧamy da özgerdı. Būl öz kezegınde, ünemı üzdıkter qatarynan körınıp, bäsekege qabılettı boludy talap etetını dausyz. Būl media aptalyqtyŋ atauy – «Faktıler men emosiialar». Soŋǧy 1,5 jyldyŋ ışınde adamzatqa emosialyq qysym küşeidı. Aqparatpen bırge berıletın qyzbalyq ony qabyldau äserın bırneşe erte küşeitedı. Sonymen qatar feikter men infodemiianyŋ qazırgı älemınde myqty, tekserılgen faktı jurnalistıŋ käsıbilıgınıŋ negızgı belgısı sanalady. Qoǧamymyz betpe-bet kelgen qiyndyqtarǧa qaramastan bız şeksız mümkındıkter däuırınde ömır sürıp jatqanymyzǧa nyq senımdımın», - dedı ministr.Sonymen qatar ol pandemiia kezındegı jurnalistikanyŋ airyqşa missiiasyn, onyŋ eldegı tūraqtylyqty saqtaudaǧy, senımdı ärı tüpkılıktı aqparatpen qamtamasyz etudegı rölın erekşe atap öttı.
«Osynau ekı künde bızdı onlain jäne oflain alaŋdardaǧy ıs-şaralar kütıp tūr. Bız jüzbe-jüz jäne qaşyqtan äŋgımelesu basymdyqtaryn bırıktırdık. Niet tanytqan barlyq adam ıs-şaralardyŋ onlain-transliasiiadan köre alady. Media aptalyqtyŋ jūmysyna älemdık bedeldı BAQ-tyŋ top-menedjerlerı, memlekettık apparat ökılderı, AQŞ, Ūlybritaniia, Resei, Qazaqstan, Özbekstan, Qyrǧyzstannan tanymal jurnalister, dokumentalister jäne blogerler qatysady», - dedı ol.Ministr «Astana Media Week» älemdık mediadaǧy maqsaty – ortaq, baǧyty – bır, käsıbi mamandardy bır arnaǧa toǧystyratyn bıregei joba ekendıgın basa aitty.
«Eŋ bastysy – osyndai ortaq alaŋdarda özara jaqyn tanysyp, paidaly keŋester tyŋdauǧa mümkındık alu – media salanyŋ nätijelı damuyna tyŋ serpın beredı dep senemın! Barşaŋyzǧa jemıstı de nätijelı jūmys tıleimın!»,- dedı Aida Balaeva.
«Adyrna» ūlttyq portaly
