Koronavırýsqa qarsy vakına alǵan qansha qazaqstandyq qaıtys boldy?

2670
Adyrna.kz Telegram

Vakınalaý naýqany bastalǵannan beri Qazaqstanda vakınanyń eki komponentin alǵan 482 adam koronavırýstan qaıtys boldy. Bul týraly densaýlyq saqtaý mınıstri Alekseı oı onlaın brıfıngte málimdedi, dep habarlaıdy "Adyrna" ulttyq portaly.

1 aqpannan beri koronavırýsqa qarsy vakına alǵan 482 adam indetten kóz jumdy.

- Birinshi aqpannan tamyzdyń sońyna deıingi jaǵdaı vakına alǵan 482 adam qaıtys boldy. Bul koronavırýstan kóz jumǵandar sanynyń shamamen 5%-yn quraıdy, - dedi oı úkimet úıinde ótken baspasóz máslıhatynda.

Budan soń jýrnalıster osy ýaqytqa deıin densaýlyq saqtaý vıe-mınıstri Ajar Ǵınııattyń 1 aqpannan 31 shildege deıingi aralyqta 115 vakınalanǵan adam kóz jumǵany týraly aqparatyn eske saldy.

Alekseı oı bul aqpannan tamyz aıyn qosa alǵandaǵy statıstıka ekenin jetkizdi.

- 482 adamnyń bári – tolyq vakınalanǵandar. Sizder bilesizder, bizde shilde-tamyz aılarynda aýrýshańdyq ósip, ólim-jitim kóp boldy. Sondyqtan osyndaı aıyrmashylyq bar. Biraq báribir de koronavırýstan qaıtys bolǵandardyń deni vakına almaǵandar ekenin kórip otyrmyz. Sondyqtan men osyǵan nazar aýdarýdy suraımyn, - dedi oı.

Sondaı-aq, ol qaıtys bolǵan azamattardyń qandaı vakınalarmen egilgenin aıtty.

- CoronaVac - 23 adam, Spýtnık V -371 adam, Qytaı vakınasy Vero Cell jáne Hayat - Vax - 75 adam, QazVac - 13,  bul negizinen Qazaqstan naryǵyna jetkiziletin vakınalar sanyna sáıkes keledi - dep túıindedi mınıstr.

Aıta keteıik, buǵan deıin Densaýlyq saqtaý mınıstri Alekseı oı Qazaqstanda 6 mıllıonnan astam adam vakınaııalaýdyń tolyq kýrsynan ótkenin habarlaǵan bolatyn. Onyń aıtýynsha, tipti keıbir shekteýlerdi alyp tastaýǵa múmkindik beretin ımmýndyq qabat qurylǵan eken.

"Adyrna" ulttyq portaly

Pikirler