Burynǵy ǵımarat 1970-1996 jyldar aralyǵynda «Solnyshko» bolyp , keıinnen jumysyn toqtatqan eski ǵımarat qaıta qalpyna keltirilip,jańa «Kúnshýaq» ataýymen bilim kúni qarsańynda búldirshinderge óz esigin aıqara ashty. Balabaqshanyń kúrdeli jóndeý jumystaryna oblystyq bıýdjetten 367,2 mln qarjy bólinip, «Golden siti» JShS–i merdiger mekemege kúrdeli jóndeý jumystaryn júrgizdi. Endi aýyldyqtar úshin kópten kútken, barlyq jaǵdaıy jasalǵan jańa balabaqsha jumysyn bastady.
Zamanaýı úlgide jabdyqtalǵan bóbekjaıda jatyn, dáris berý, oıyn, jýynatyn bólmeleri, ashanasy jáne medıınalyq blogy bar. Sondaı-aq, balabaqshanyń ishki jáne syrtqy oıyn alańdaryna da erekshe kóńil bólingen. Óıtkeni, munda bilim berýmen qatar búldirshinderdi sportqa baýlýǵa da basa nazar aýdarylmaq.
El ıgiligine berilgen balabaqshǵa 1 men 3 jas aralyǵyndaǵy búldirshinderdi qabyldaımyz. 4 tobymyz bar. Ár topta 17 baladan tárbıelenýde. Kópbalaly analarǵa ákimshilik tarapynan jeńildikter de qarastyrylǵan,-dedi «Kúnshýaq» balabaqshasynyń meńgerýshisi Jazıra Qazybekqyzy.
"Adyrna" ulttyq portaly
