Aqtöbede örşıp tūrǧan oramal dauy bügın sotqa deiın jettı. Qyzdarymdy bastaryna oramal taqqany üşın mektepke kırgızbei otyr degen ata-ana qaladaǧy №10 mekteptıŋ direktoryn sotqa berdı. Mekteptıŋ talaby men formasyna baǧynǧysy kelmeitın ata - ananyŋ aituynşa qyzdary üşınşı toqsan bastalǧaly berı sabaqqa kırgızılmegen.
Mektep direktorynan bastap bılım basqarmalaryna deiın sotqa süiretken Qairat Jarmaǧambetov mektep basşylyǧy ekı qyzyma bırdei qysym körsetıp otyr deidı. Aituynşa, bastaryndaǧy oramaly üşın qyzdary mektepten şettetılıp, orta bılım alularyna kedergı jasalǧan.
QAIRAT JARMAǦAMBETOV, şaǧymdanuşy:
– Sabaqqa kelgen qyzdarymdy mektep direktory Gülaiym İmanova foiede tıkelei özı qarsy alyp, qyzdarymnyŋ oramal tartatynyna bailanysty mektepke formasyna dıni elementterdı qosty dep aiyptap, mektepke kırgızbedı. Orta mekteptıŋ direktory Gülaiym İmanovanyŋ qyzdarym mındettı orta bılım alu qūqyǧyna şekteu qoiǧandyǧyn zaŋsyz dep tanudy sūraimyn.
Sot aldyna jauapker retınde şaqyrtylǧan mektep direktory oquşy qyzdardyŋ oqu ülgerımı men tärtıbı jaqsy ekenın aitady. Alaida barşaǧa ortaq mektep formasyn saqtamaǧany üşın mektepke kırgıze almaimyz deidı. Oǧan arnaiy bekıtılgen talap bar ekenın taǧy bır eske saldy.
GÜLAIYM İMANOVA, Aqtöbe qalasy №10 orta mektebınıŋ direktory:
– Üş oquşy oramal tartatyn, osy ata - analarǧa habarlama berdık, qazan, qaraşa, qaŋtar aiynda berıldı. Osy mektep formasyn iaǧni, QR bılım jäne ǧylym ministrılıgı bekıtken mektep formasyn saqtamaityn bolsa, mektepke kırgıze almaimyz dep habarlama berdık, oǧan deiın tüsındıru jūmystary jürdı. Qazan aiynda bız mektep qamqorşylyǧy otyrysynda aittyq, mektep formasynda bas kiımnıŋ joq ekenı eskertıldı. Sondyqtan oramaldardy şeşıp kıruı sūraldy.
Sotta kuälerden bölek sarapşylardy da tyŋdady. Qalalyq bılım bölımı, bılım beru sapasyna jauapty mekemelerden şaqyrylǧandar bır auyzdan mektep direktorynyŋ talaby zaŋdy ekenın aitady. Sottyŋ kelesı otyrysy 15 aqpanǧa belgılendı.
Janar Qojanova, Baǧdat Baimurzin,
31 arnadaǧy "İnformbiuro" baǧdarlamasy
