Jyl basynan beri elimizde azyq-túlik baǵasy qymbattap ketti. Halyq jalaqynyń azdyǵyn, al azyq-túliktiń negizsiz qymbattaǵanyn aıtyp, zar qaǵýda. Máselen, bıyl Batys Qazaqstan men Soltústik Qazaqstan oblystarynda azyq-túlik baǵasy ózge óńirlerge qaraǵanda edáýir artqan. Bul týraly QR Premer-Mınıstri Asqar Mamın qatysqan Úkimettiń otyrysynda aıtyldy dep habarlaıdy "Adyrna" ulttyq portaly "primeminister.kz-ke" silteme jasap.
Búgin Úkimet basshysy ıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri jóninde keńes ótkizdi. Qazirgi jaǵdaı men atqarylyp jatqan jumystar týraly saýda jáne ıntegraııa mınıstri Baqyt Sultanov, aýyl sharýashylyǵy mınıstri Erbol Qarashókeev, Ulttyq bank tóraǵasynyń orynbasary Álııa Moldabekova, Básekelestikti qorǵaý jáne damytý agenttiginiń tóraǵasy Serik Jumanǵarın, Nur-Sultan qalasynyń ákimi Altaı Kólginov, Qyzylorda oblysynyń ákimi Gúlshara Ábdiqalyqova, Mańǵystaý oblysynyń ákimi Nurlan Noǵaev, Aqtóbe oblysynyń ákimi Ońdasyn Orazalın baıandady.
Jyl basynan beri áleýmettik mańyzy bar azyq-túlik taýarlarynyń baǵasy 9,6% ósti. Ótken aptada baǵanyń 0,1 paıyzdyq tarmaqqa tómendegeni baıqaldy. Pavlodar, Túrkistan jáne Shyǵys Qazaqstan oblystary taýarlardyń azyq-túlik tobynyń jalpy ınflıaııaǵa úlesin azaıtty. Sonymen qatar eń kóp ósim Batys Qazaqstan (0,3 p.t.) jáne Soltústik Qazaqstan (0,2 p.t.) oblystarynda tirkeldi.
Taýar óndirýshilerden saýda jelilerine jáne turaqtandyrý qoryna taýarlardyń aǵynyn qamtamasyz etý maqsatynda Úkimet áleýmettik mańyzy bar azyq-túlik taýarlaryn onlaın-ótkizýdi jáne satyp alýdy qamtamasyz etetin B2B platformasyn engizdi.
Atalǵan platforma taýar óndirýshiler men áleýmettik-kásipkerlik korporaııalar arasynda naryqtyq erejeler boıynsha onlaın-saýda-sattyq jasaýǵa múmkindik beredi. Bırjalyq saýda qaǵıdaty engizilgen, qatysýshylar baǵa, sapa, jóneltý jáne jetkizý merzimderi, tólem sharttary týraly kelise alady. Básekelestikti qorǵaý jáne damytý agenttigi áleýmettik mańyzy bar azyq-túlik taýarlaryna baǵany tómendetý týraly 68 habarlama, monopolııaǵa qarsy zańnama buzýshylyqtaryn joıý týraly 20 uıǵarym shyǵardy, 8 tergeý taǵaıyndady, monopolııaǵa qarsy komplaenstiń 88 aktisin jasady.
Nur-Sultan qalasynda, Qostanaı, Mańǵystaý, Atyraý jáne Batys Qazaqstan oblystarynda ÁMAT-qa shekti saýda ústemesin asyrǵan 35 saýda sýbektisi jaýapkershilikke tartyldy. Almaty qalasynyń, Qaraǵandy jáne Shyǵys Qazaqstan oblystarynyń ákimderine ÁMAT-qa saýda ústemesin arttyrý faktilerine jedel den qoıý sharalaryn qabyldaý qajet ekeni atap ótildi.
Premer-Mınıstr óńirlerdiń ákimderine saýda jelileri men otandyq taýar óndirýshiler arasynda uzaq merzimdi kelisimsharttar jasasýdy qamtamasyz etýdi, «aınalym» shemasyn qarjylandyrýdy jáne turaqtandyrý qorlaryna azyq-túlik satyp alýdy ulǵaıtý jónindegi jumysty jandandyrýdy tapsyrdy.
Úkimet basshysy áleýmettik mańyzy bar azyq-túlik ónimderiniń baǵasyn ustap turý boıynsha júıeli jumys júrgizýdiń jáne jalpy Inflıaııaǵa qarsy áreket etý sharalarynyń keshenin tıimdi iske asyrýdyń mańyzdylyǵyn atap ótti.
"Adyrna" ulttyq portaly.
