Endı elımızde lauazymdy qyzmetkerler men olardyŋ otbasy müşelerınıŋ qarjylyq operasiialary, tıptı satyp alǧan üilerı de tekserılmek. Ol üşın jyljymaityn mülık qūny 50 million teŋgeden assa jetkılıktı dep habarlaidy "Adyrna" ūlttyq portaly "KTK" arnasyna sılteme jasap.
Osyndai özgerıster engızılgen zaŋ jobasyn qazır Mäjılıs qarap jatyr. Būǧan deiıngı zaŋda 200 million teŋgenıŋ üiın alǧandar ǧana qosymşa tekserılgen. Endı ol soma tört ese tömendetılıp otyr. Öitkenı zaŋsyz jolmen tabylǧan qarjy köbıne osy jyljymaityn mülık arqyly ızın joǧaltady eken. Al lauazymdy qyzmetkerler sanatyna memlekettıkten bastap, kvazisektordaǧy basşylardyŋ bärı jatady. Olardan bölek, basşylardyŋ äielı, balalary 50 millionnyŋ üiın alǧan jaǧdaida aqşanyŋ zaŋdy jolmen kelgenın däleldeuı tiıs.Jalpyǧa bırdei deklarasiialaudyŋ bırınşı kezeŋınıŋ nätijesınde 500-ge tarta lauazymdy qyzmetkerdıŋ 58 eldıŋ bankterınde şoty bary anyqtalǧan. Qaltaly şeneunıkterdıŋ köbı aqşasyn Resei, AQŞ pen Şveisariia bankterınde saqtaidy. “Aqşamen jäne basqa mülıkpen jasalatyn operasiialar boiynşa monitoring jürgızıletın adamdar tızımın Prezident bekıtedı. Qarjylyq monitoring agenttıgı būl adamdardyŋ, olardyŋ otbasy müşelerınıŋ jäne jaqyn tuystarynyŋ jeke tızımın jasaidy. Iаǧni elımızdıŋ şeneunıkterı men olardyŋ tuystary qarjylyq monitoring subektılerınen tiıstı qyzmetterdı alǧannan keiın, sonymen qatar şeteldık memlekettık qyzmetkerlerge qosymşa tekseruden ötedı. Mūndai tızımge memleket jäne ükımet basşylary, Ükımettıŋ aǧa qyzmetkerlerı, sot jäne äskeri qyzmetkerler, körnektı saiasi qairatkerler, sondai-aq memlekettık korporasiialardyŋ basşylary engızılgen. Arasynda saiasi partiialardyŋ qoǧamdyq tūlǧalary da bar”, – deidı QR Mäjılıs deputaty Sergei Simonov. Aita ketu kerek, olardyŋ jaqyn tuystarynyŋ qataryna "Neke jäne otbasy" turaly Kodekske säikes, ata-ana, bala, aǧa-ını, apa-sıŋlı, ata, äje, nemere kıredı.
"Adyrna" ūlttyq portaly.
