Bıznestiń jol kartasy-2025» kásipkerlerdi qoldaý men damytýdyń memlekettik baǵdarlamasy sheńberinde jańa bıznes-ıdeıalardy iske asyrýǵa memlekettik granttar berý týraly konkýrstyq komıssııa otyrysy ótti.
Kezdesýde oblystyq Kásipkerlik jáne ındýstrııalyq-ınnovaııalyq damý basqarmasy basshysynyń ýaqytsha mindetin atqarýshy Qanysh Mámbetov is-sharanyń maqsatyn aıtyp ótti.
«Jańa bıznes-ıdeıalardy iske asyrýǵa memlekettik granttar berý 2013 jyldan beri júzege asyrylyp keledi. Memlekettik baǵdarlamanyń negizgi maqsaty – jańa jumys oryndaryn qurý men bıznes ıdeıalardy iske asyrý. Al, bıyl atalǵan memlekettik baǵdarlama sheńberinde 170 mıllıon teńge kóleminde qarajat qarastyryldy»,-degen Q.Mámbetov, osy jyldyń 14-22 qyrkúıek aralyǵynda kásipkerlik sýbektilerinen qujat qabyldaý jumystary júrgizilip, nátıjesinde 206 kásipkerlerden ótinim tirkelgenin málimdedi.
Konkýrsqa qatysýshy jylyoılyq Aızada Qalýova kásibin damytý úshin baıqaýǵa qatysqanyn jetkizdi.
«Men tis dárigerimin. Aýdandaǵy tis emhanalarynda men suranys berip otyrǵan arnaıy qurylǵy joq. Mundaı stomatologııalyq mıkroskoppen tisti 25 ese úlkeıtip kórsetýge múmkindik bar. Quralǵa qol jetkizsem aýdan turǵyndary Atyraý qalasyna baryp, ýaqyttaryn joǵaltpas edi. Sondyqtan, tis emdeýge asa qajetti AQSh-tyń arnaıy quralyn alýǵa memleket tarapynan qoldaý kútemin»,-dedi ol.
Inderlik Anar Ilııasova jońyshqa sortyn ósirýge nıetti. Ol úshin 20 gektar jer de alyp qoıǵanyn, tek tuqym men arnaıy qural-jabdyqtar alý úshin qoldaý suraıtynyn jetkizdi.
Osylaısha, biri úı qustaryn ósirý, biri tigin isin ashý, endi biri qosalqy bilim berý, taǵy basqa da halyqtyń suranysyna ıe kásipterin júrgizýge talpynǵan 19 kásipker konkýrsqa qatysty.
Aıta ketý kerek, 2013-2020 jyldar aralyǵynda 221,9 mln. teńge qarajat bólinip, 252 jumys orny qurylýymen 116 kásipkerdiń jobasyna memlekettik grant berilgen.
