Ūlttyq ūlan ofiserı ūşaqta adam ömırın qūtqardy, dep habarlaidy «Adyrna» tılşısı Polisia.kz-ke sılteme jasap.
Oqiǧa Kievten Nūr-Sūltan qalasyna ūşyp kele jatqan ūşaqta oryn alǧan.
– Taŋǧy saǧat bes şamasy kezı, barlyǧy qalyŋ ūiqyda edı. Bır mezette ūşaqtyŋ ışınde abyr-sabyr bastalyp kettı. Äue serıgı ary-berı jügırıp, jolauşylardan kömek sūrai bastady. Osy arada dauys kötergış qūrylǧymen “Medisina qyzmetkerı bar ma?” degen habarlama jetkızıldı. Ornymnan dereu tūrdym da, äue serıgınıŋ qasyna bardym. Özımdı tanystyrdym. Men därıger emes, äskeri ūşqyş ekenımdı jäne alǧaşqy kömek körsete alatynymdy aittym. Eŋ aldymen qan qysymyn ölşedım, 80 de 60 nätijesın körsettı. Sol kezde bortserıkke tezdetıp qara kofe alyp keludı sūradym. Qan qysymy köterıldı. Sodan soŋ ottegı ballondardy berudı sūradym. Adamǧa aua qajet ekenın ıştei bıldım. Osylaişa Nūr-Sūltan qalasyna da jettık. Jol boiy onyŋ hälın sūrap, qolyn qysyp, sözben qoldau körsetıp tūrdym. Äuejaida sanitarlyq brigada qyzmetkerlerınıŋ qolyna tapsyrdym, – deidı ūlandyq ofiser.Barlyq qiyndyq pen şekteulerge qaramastan, Ūlttyq ūlan ofiserı eptılık tanytyp, bılgırlıgınıŋ arqasynda äiel adamǧa dereu kömek körsetıp, tıptı, ömırın ajaldan araşalap qalǧan.
– Osyndai jaǧdailarda kömekke kelu – är azamattyŋ boryşy, äsırese, pogon taqqandarǧa būl paryz sanalady. Mūndai jaǧdaiǧa alǧaş ret tap boldym. Jai kezde özım ūşaqty basqaramyn, osy joly jolauşy bola tūryp, därıger keipınde boldym. Adamǧa kömek beru üşın bar bılgenımdı saldym, – deidı Stanislav Smurygin.Ofiser mamandyǧy boiynşa äskeri ūşqyş. Ūlttyq ūlan qatarynda 2004 jyldan bastap qyzmet etıp keledı. Kievke qyzmettık ıssaparmen barǧan eken. Äskeri ūşaqty basqaruda täjıribesı mol. Bügınde An-74 äue kemesınıŋ komandirı bolyp qyzmet atqarady. Äskeri ūşaqpen ekı myŋ saǧattai äuede bolǧan.
«Adyrna» ūlttyq portaly
