Azamattyq 4 belsendı — Ashat Jeksebaev, Abai Begımbetov, Qairat Qylyşev, Noian Rahymjanovtar 5 jylǧa bas bostandyǧynan aiyryldy. Olar endı jazasyn qauıpsızdıgı ortaşa mekemelerde öteidı. Sondai-aq jäbırlenuşıler qoryna 20 AEK aiyppūl salyndy, dep habarlaidy «Adyrna» ūlttyq portaly «Orda.kz-ke» sılteme jasap.
Almaty qalasy Almaly audandyq №2 audandyq sotynyŋ sudiasy Ernar Qasymbekov sot moiyndaǧan «ekstremistık» «Köşe partiiasy» ūiymynyŋ qyzmetıne qatysqan 12 aiyptaluşynyŋ barlyǧyna aiyptau ükımın şyǧardy.— Diana Baimaǧambetovanyŋ ekı jylǧa bas bostandyǧy şekteledı jäne jüz saǧattyq tüzeu jūmysyn atqarady. Al qalǧandary (Dämetken Aspandiiarova, Baqdäulet Älıbekov, Gülzipa Jaukerova, Ninagül Jūmaniiazova, Ermek Qoziev, Marat Qūrbanov, Darhan Uäliev) bır jyl bas bostandyǧynan airylyp, üş jylǧa deiın qoǧamdyq qyzmette jūmys ısteuge tyiym salyndy. Bas bostandyǧynan şektelgender sondai-aq 10 ailyq eseptık körsetkış aiyppūl salyndy, — dedı qorǧauşy Janar Balǧabaeva.
Osylaişa sudia aiyptaluşylarǧa jaza taǧaiyndau turaly prokurordyŋ talaptaryn qanaǧattandyrdy. Qorǧauşynyŋ aituynşa, atalǧan azamattar ükımge apelliasiialyq tärtıpte şaǧymdanatyny sözsız.Esterıŋızge sala keteiık, belsendılerdıŋ soty 27 şıldede bastalǧan. Olardyŋ barlyǧy qoǧamdyq-saiasi mäseleler boiynşa öz pıkırın aşyq aitqan, sonymen qatar mitingterge qatysqan.
«Adyrna» ūlttyq portaly.
