Mäskeude TMD-ǧa müşe elderdıŋ Qorǧanys ministrlerı keŋesı janyndaǧy Sport komitetınıŋ otyrysy qorytyndylandy, dep habarlaidy "Adyrna" ūlttyq portaly.
TMD-ǧa müşe memleketterdıŋ Qorǧanys ministrlerı keŋesı janyndaǧy Sport komitetınde Qazaqstan Respublikasy töraǧalyq etedı.
Otyrysqa sondai-aq TMD Qorǧanys ministrlerı keŋesınıŋ hatşysy general-maior Iýrii Daşkin, Armeniia, Belarus, Qazaqstan, Qyrǧyzstan, Resei, Täjıkstan, Özbekstan qorǧanys vedomstvolarynyŋ dene daiyndyǧy jäne sport auqymyndaǧy äskeri basqaru organdarynyŋ basşylary jäne TMD Atqaruşy komitetınıŋ ökılderı qatysty.
– Is-şara şeŋberınde TMD-ǧa müşe memleketterdıŋ dostastyq armiialarynyŋ Spartakiadasy şeŋberınde sport türlerınen chempionattardy ötkızu jospary, 2022 jyly ötkızıletın ǧylymi-praktikalyq konferensiialardyŋ taqyryptary, olardy ötkızu merzımderı talqylandy. Būdan özge, äskeri-qoldanbaly sport türlerın damytu mäselelerıne nazar audaryldy. TMD-ǧa müşe elderdıŋ Qaruly Küşterınde dene daiarlyǧy men sportty damytudyŋ negızgı baǧyttary boiynşa qarauǧa ūsynystar engızıldı, – dedı TMD-ǧa müşe memleketterdıŋ Qorǧanys ministrlerı keŋesı janyndaǧy Sport komitetınıŋ töraǧasy Aitalap Qūrǧambaev.
Esterıŋızge sala ketsek, Sport komitetı 1999 jylǧy 25 nauryzdan bastap jūmys ısteidı. Dostastyqqa müşe memleketter qorǧanys vedomstvolarynyŋ halyqaralyq yntymaqtastyǧyn damytuǧa yqpal etedı.
Būl organ öz qūzyretı şegınde mamandar, ǧylymi, ädıstemelık jäne basqa da materialdar almasu mäselelerınde sport komitetterınıŋ özara ıs-qimylyn, bırlesken sporttyq ıs-şaralar men ǧylymi-zertteu jūmystaryn jürgızudı, dene şynyqtyru jäne sport auqymyndaǧy kelısımder men basqa da qūjattardy ıske asyrudy üilestıredı.
Otyrys barysynda TMD elderınıŋ dostastyq armiialary arasynda 2022 jyly III Äskeri-sporttyq oiyndardy Qazaqstanda ötkızu talqylandy.
"Adyrna" ūlttyq portaly
