QR Bılım jäne ǧylym vise-ministrı B.Asylova feisbuktegı paraqşasynda post jariialap, elımızde biudjet qarajatyna mektep salu mäselelerıne toqtaldy. Onyŋ aituynşa, el öŋırlerınde mektep qūrylysy josparyn oryndau boiynşa jaǧdai mäz emes dep habarlaidy "Adyrna" ūlttyq portaly.
"Al endı biudjet qarajaty esebınen mektep salu turaly! Ökınışke qarai, jaǧdai mäz emes jäne alaŋdauşylyq tudyryp otyr. Mektep qūrylysynyŋ bekıtılgen ädıstemesı, tetıkterı bar, qarjylyq qamtamasyz etu bar, alaida 1 qazandaǧy jaǧdai boiynşa qarajatty igeru bar bolǧany 56,3 mlrd teŋgenı nemese jospardaǧy 96,6 mlrd teŋgenıŋ 58%-ın qūrady. Mäselen, Soltüstık Qazaqstan oblysy boiynşa igeru – 86%, Jambyl oblysy boiynşa – 78% jäne Almaty qalasy boiynşa – 75%. Alaida qarjyny igerude respublikalyq ortaşa körsetkışten edäuır tömen körsetkışter Aqtöbe oblysy boiynşa – 31%, Maŋǧystau oblysy boiynşa – 39%, al Atyrau oblysy boiynşa qarjy müldem igerılmegen», — dep B. Asylova biudjet qarajaty esebınen mektep salu mäselesıne naqty sandarmen taldau jasady.Sonymen qatar, osy saladaǧy bıtken ıstı de atap öttı.
"1 qazandaǧy jaǧdai boiynşa memlekettık biudjet esebınen 20,6 myŋ oquşy ornyna arnalǧan 52 mektep paidalanuǧa berıldı, 3 apatty mektep mäselesı şeşıldı, 12 mektepte üş auysymdy oqytu joiyldy, 25 mektepte oquşy oryndarynyŋ tapşylyǧy joiyldy", — dedı vise-ministr.Būdan basqa jyl soŋyna deiın "jyr" bolatyn mäsele de bar ekenın jasyrmady. "Biylǧy jyldyŋ soŋyna deiın 18 nysannyŋ, Aqmola oblysynda – 3, Almaty oblysynda – 5, Qyzylorda oblysynda – 1, Türkıstan oblysynda – 1 jäne Almaty qalasynda 8 nysan boiynşa uaqytyly paidalanuǧa bermeu qaupı bar", - delıngen postta.
"Adyrna" ūlttyq portaly.
