Azamat, qazaq jäne saiasatker retınde bügın, 11 qazanda Almatydaǧy Almaly audandyq sotynyŋ "tyiym salynǧan ūiymdy qūrdy" jäne "onyŋ ısıne aralasty" dep aiyptalǧan bır emes, 13 azamatqa şyǧarylǧan ükımıne qatysty narazylyǧymdy bıldıremın!
Tört azamat 5 jylǧa bas bostandyǧynan aiyryldy, qalǧan toǧyz belsendınıŋ erkındıgı 1 jyldan 2 jylǧa deiın şekteldı.
Bilıktıŋ Äbıliazovqa degen közqarasyn bılemız. Jek körse, sonymen küressın. Bıraq el ışınde jürıp, bilıkke qatysty syni pıkır ūstanǧan adamdardyŋ ne jazyǧy bar?
Eger de olar şyn mänınde konstitusiialyq talaptardy būzyp, el Täuelsızdıgıne, jer tūtastyǧyna nūqsan keltıretın qimyl-äreketke barsa, ony sot aşyq türde däleldesın! Ondai däleldı körıp otyrǧan joqpyn.
Al XXI ǧasyrda oppozisiialyq oi-pıkır bıldırgenı üşın türmege jabu ne erkındıgın şekteu - keşegı qylyşynan qan tamǧan Sovet däuırınıŋ atavizmı, avtoritarizm da emes, naǧyz totalitarizmnıŋ "jarqyn" körınısı! Mūndai, adam qūqy men demokratiia prinsipterın aiaq asty etken solaqai sot ükımderımen Qazaqstan örkeniettı elder ortasynan şettetıluı de äbden mümkın!
Qazır bilıkke narazy, onyŋ saiasatyna qarsy adam 13 emes, milliondap sanalady. Onyŋ bärı belgılı sebeptermen öz pıkırın aşyq aita almai, ışten tynyp jür.
Olardyŋ bärın türmege jaba almaisyŋdar!
"Adyrna" ūlttyq portaly.
