V6 jäne V12 vitaminderın köp mölşerde qabyldau ökpe ısıgınıŋ damuyn tezdetedı. Būl turaly Ogaio memlekettık universitetınıŋ ǧalymdary jürgızgen zertteude körsetılgen dep habarlaidy "Adyrna" ūlttyq portaly "RİA Novostige" sılteme jasap.
Zertteu barysynda sarapşylar 77 myŋnan astam adammen saualnama jürgızıp, V därumenın qanşalyqty jiı qabyldaitynyn sūraǧan. Zertteude keiıngı on jyldaǧy tamaq rasiony da eskerılgen.Alty jyldan keiın zertteuşıler ökpenıŋ qaterlı ısıgınıŋ belgılerın anyqtau üşın täjıribege qatysuşylardyŋ densaulyǧyn teksergen. Qaterlı ısık auruynyŋ qaupıne äser etetın körsetkışterdı teksergennen keiın, ǧalymdar V12 därumenımen bailanysty derbes ökpe obyrynyŋ qaupı 30 paiyzǧa jäne V6 vitaminın qabyldaǧanda, 40 paiyzǧa joǧarylaitynyn habarlady.
Äsırese, er adamdardyŋ köp mölşerde qabyldauy aitarlyqtai ziian ekenı aityldy."V12 vitaminın täulıgıne 55 mikrogramnan köp qabyldaǧan er adamdarda V därumenın qabyldamaǧan er adamdarǧa qaraǧanda ökpe ısıgınıŋ damuy 98 paiyzǧa joǧary boldy. Şylym şekken, vitamindı köp mölşerde qabyldaǧan er adamdarda ökpe ragynyŋ damu yqtimaldyǧy üş-tört ese köp",- deidı zertteudıŋ jetekşı avtory Teodor Braschi.
Ol V6 därumenı ädette 100 milligramm tabletkada, al V12 500-3000 milligramm tabletkada satylatynyn, al bırınşı vitaminge ūsynylatyn täulıktık mölşerleme ekı milligramm, al ekınşısı 2,4 milligramm ekenın aitty. Sonymen qatar, multivitamindı keşenderde osy vitaminderdıŋ dozasy bar ekenın atap öttı.Sondai-aq, Düniejüzılık qaterlı ısık aurularyn zertteu qoryna tamaqtanudy tek dieta arqyly jürgızudı ūsynady. V6 jäne V12 vitaminderıne bai taǧamdarǧa balyq, et, qūs etı jatady.
"Adyrna" ūlttyq portaly.
