Qoǧam belsendılerı tanymal änşı Dimaş Qūdaibergenge «Qazaqstannyŋ Eŋbek Erı» ataǧyn berudı sūrap jatyr, dep habarlaidy "Adyrna" ūlttyq portaly.
Būl turaly mädeniettanuşy Berık Jüsıpov özınıŋ Facebook paraqşasynda jazdy.
Onyŋ aituynşa, būl ataqqa Dimaş Qūdaibergen äbden laiyq.
- Qazaqstanǧa sıŋırgen erekşe jetıstıgı üşın berıletın «Qazaqstannyŋ Eŋbek Erı» degen ataq bar. Osy altyn jūldyz Dimaş Qūdaibergennıŋ keudesınde jarqyrau kerek. İä, ony «älı jas qoi» deitınder de tabylady. Joq, keşırıŋız, Dimaş jas emes, tıptı jas bolyp ta körgen emes. Kerısınşe, öner arqyly qazaqty dünie jüzıne tanytudyŋ jolyn tapqan jäne sondai missiia būiyrǧan, jer jüzınıŋ tyŋdarmandaryna taŋdai qaqtyryp, ünıne tamsandyrǧan teŋdesı joq qūbylysty der kezınde baǧalai almai otyrǧan bızdıŋ äreketımız - qylmyspen para-par, - deidı ol.Sonymen qatar mädeniettanuşy Keŋes Odaǧy qalyptastyrǧan sana stereotipterın kül-parşa etetın uaqyt jetkenıne toqtaldy.
- Şyn mänınde būl ataqqa Dimaş zäru emes, qaita älgınıŋ därejesın kötere tüsu üşın Dimaş sol ataǧyŋa keregıp tūr. Qazır älemnıŋ qai tükpırınde bolsyn Dimaştyŋ esımı qazaq degen sözdıŋ sinonimı ärı simvoly retınde qabyldanady. Būl degenıŋ ǧajap qoi, bız sekıldı az ūltqa odan artyq ne kerek, Sız qalai oilaisyz, otandas?, - dep jazady mädeniettanuşy.
"Adyrna" ūlttyq portaly
