Tanymal boksşy, Olimpiada chemiony Serık Säpiev QR Mädeniet jäne sport ministrlıgı sport jäne dene şynyqtyru ısterı komitetınıŋ töraǧasy lauazymynan bosatyldy, dep habarlaidy "Adyrna" ūlttyq portaly QazAqparat saityna sılteme jasap.
Būl habardy Sport jäne dene şynyqtyru ısterı komitetınıŋ baspasöz qyzmetı rastady. Komitettıŋ aituynşa, Serık Säpiev öz erkımen jūmystan ketken. Aita keteiık, jazda ötken Tokio Olimpiada oiyndarynda qazaqstandyq boksşylar joǧary nätije körsete almaǧan edı.
«Basqa boksşylardyŋ da nätijesı mäz emes, keibır sportşylar tiıstı deŋgeidegı daiyndyqpen kelmedı. Jalpy boksşylar Olimpiadada «altyn» almaǧandyqtan körsetkış naşar dep esepteimın», - dep baǧalady Serık Säpiev.
Serık Jūmanǧaliūly Qaraǧandy oblysy Abai qalasynda 1983 jylǧy 16 qaraşada düniege kelgen.
2002-2004 jyldary - Qazaqstan Respublikasynyŋ Qaruly küşter qatarynda boryşyn oryndaǧan. 2003-2009 jyldary - E.A.Buketov atyndaǧy Qaraǧandy Memlekettık universitetınde dene şynyqtyru oqytuşysy jäne qūqyqtanu mamandyqtary boiynşa bılım alǧan.
2011-2014 jyldary - tau-ken ısterınıŋ bakalavrı mamandyǧy boiynşa QarMTU-ın bıtırgen.
2014-2016 jyldary - Qazaq sport jäne turizim akademiiasynyŋ akademiialyq pedagogika ǧylymynyŋ magistrı därejesın alǧan.
2014 jyly - «Bolaşaq» baǧdarlamasy boiynşa sport menedjerı mamandyǧyn alǧan. 2004-2014 jyldary - kelısımşart boiynşa merzımnen tys äskeri qyzmette bolǧan.
2010-2012 jyldary - «Qazaqstannyŋ boks federasiiasy» FA OIýL jattyqtyruşy-oqytuşy qyzmetın atqarǧan.
2013-2014 jyldary - «Qazaqstannyŋ boks federasiiasy» FA OIýL sport jönındegı direktory, 2005-2013 jyldary boks jönındegı Qazaqstan Respublikasynyŋ ūlttyq komandasynyŋ ştattynda nūsqauşy-sportşy, 2014-2017 jyldary - JŞS «Astana Arlans» KSK bas direktory bolǧan.
2017-2019 jyldary VI sailanǧan QR Parlamentı Mäjılısınıŋ deputaty, Äleumettık-mädeni damu komitetınıŋ müşesı, «Nūr Otan» partiiasynyŋ Qazaqstan Respublikasy Parlamentı Mäjılısındegı fraksiiasynyŋ müşesı bolǧan.
2019 jyly QR Mädeniet jäne sport ministrlıgı sport jäne dene şynyqtyru komitetınıŋ töraǧasy bolyp taǧaiyndalǧan edı.
"Adyrna" ūlttyq portaly
Ūqsas jaŋalyqtar
