Qazaqstan halqy Assambleiasy töraǧasynyŋ orynbasary, QR Prezidentı Äkımşılıgı Qazaqstan halqy Assambleiasy hatşylyǧynyŋ meŋgeruşısı Marat Äzılhanov Şymkent qalasyndaǧy özbek drama teatrynda özbek etnomädeni bırlestıgınıŋ müşelerımen kezdestı. Basqosuda özbek etnosynyŋ ökılderı tyǧyz şoǧyrlanǧan Sairam tūrǧyn alabyndaǧy dostyq pen yntymaqtastyqty odan ärı nyǧaitu, jäne ışkı tūraqtylyqtyŋ maŋyzdylyǧy aityldy.
Bügınde Şymkent qalasy tūrǧyndarynyŋ 17,5%-yn özbek etnosynyŋ ökılderı qūraidy. Şahardaǧy özbekterdıŋ basym bölıgı Sairam tūrǧyn alabynda qonystanǧan. Qalada 4 mektepte özbek tılınde bılım berılse, 32 aralas mektepte özbek synyptary bar.
İkram Haşimjanov - Qazaqstandaǧy özbek etnomädeni bırlestıkterı «Dustlik» qauymdastyǧynyŋ töraǧasy
Kezdesude Qazaqstandaǧy özbek etnomädeni bırlestıkterı «Dustlik» qauymdastyǧynyŋ töraǧasy İkram Haşimjanov öŋırımızdegı bırlık pen tatulyqty nyǧaitu baǧytynda atqarylyp jatqan jūmystar turaly baiandady.
Ǧalym Şoikin - QR Aqparat jäne qoǧamdyq damu ministırlıgınıŋ etnosaralyq qatynastardy damytu komitetınıŋ töraǧasy
Jiyn soŋynda Qazaqstan halqy Assambleiasy töraǧasynyŋ orynbasary Marat Äzılhanov qauymdastyq töraǧasyna özbek etnomädeni bırlestıgınıŋ jūmysyn jandandyruǧa qatysty bırqatar mındetter jüktep, bırlık qaǧidattaryn şoǧyrlandyruǧa baǧyttalǧan arnaiy jobalar äzırlep, engızudı tapsyrdy.
N.Äbdıraşit
